Abogado Ronald Wix mester a presenta na corte diaranson pa motibo di un caso disciplinario cu Aruba Growth Fund a entama.

 

Segun nos partner den noticia, NoticiaCla, e caso dilanti e Conseho di Supervision a tuma luga patras di porta cera. Despues e tratamento niun di e partidonan kier a duna un comentario tanten cu e caso ta den tratamento.

 

Bon Dia Aruba a publica den pasado caba cu e fondo tabatin hopi problema cu e comportacion di e abogado aña pasa ora nan kier a cumpra Radisson Hotel, awor Hilton. Rene Kan di e fondo ya a indica cu e rol cu Sr. Wix no tabata uno etico. Pasobra e tabata traha pa nan pero dado momento RIU a cay aden y kier a cumpra e hotel. Sr. Wix tambe tabata ta representa RIU y segun Sr. Kan e tempo ey esaki tabata causa un conflicto di interes. Sr. Wix a comenta e tempo ey cu esaki no tabata e caso y cu e no tabata envolvi na momento ey den e negociacionnan entre RIU y e doño di Radisson. El a bisa cu su oficina berdad ta representa RIU pero e tin otro coleganan. Sr Wix tin un bufete hunto cu partner Elgin Zeppenfeldt y e di tres abogado trahando eynan ta Lianne Pieters.

LEAVE A REPLY

Please enter your comment!
Please enter your name here