Caso karting: Ainda cu heridanan grandi despues di casi 2 aña

Niun hende no por imagina e dolor fisico y psicologico cu mi ta pasando aden. Mi por ta hari, mustra fuerte y hasta feliz pero di berdad e ta un lucha hopi fuerte”, tabata e prome palabranan di Licet De La Hoz manera un reaccion na Bon Dia Aruba. Despues di a tuma nota di un potret basta fuerte cu sra. De La Hoz a publica riba Facebook ayera tardi, nos redaccion a tuma contacto cu ne pa sa kico ta su status medico.

E potret cu a wordo publica riba Facebook ta uno hopi grafico y ta parce algo di un escena di horor, pa cual motibo nos redaccion a scoge pa no publica esaki. No menos cu 3 herida grandi na su cabes, yena di sanger cu ta core te den su cara. Sra. De La Hoz ta splica cu esaki ta e scenario cu e mester enfrenta tur dia dilanti spiel. E heridanan aki a bin despues di un accident cu a tuma luga na Bushiri Karting, december di 2015. E accident a pasa despues cu e cabey di sra. De La Hoz a los y pega den e motor di e vehiculo. E tempo cu esaki a pasa, sra. De La Hoz a duna di conoce cu no tabata tin suficiente medida di siguridad cu a wordo tuma y tabata 1 dia despues di e accident cu nan a core pone borchi di advertencia.

Mester remarca cu e compania di karting aki no a asumi su responsabilidad y unico cos cu a ofrece na e victima ta un trabou pa traha serca nan y tambe un pasashi pa Colombia pa asina cubri gasto pa bay busca ayudo medico. Segun sra. De La Hoz ta splica, a wordo bisa na su persona cu pa motibo cu e compania ta recien, nan no tin hopi placa ainda pa cual nan no por yud’e cu mas. Segun registro di Camara di Comercio di Aruba, e compania aki ta operacional di 2010. Bon Dia Aruba a purba na diferente ocasion pa haya un reaccion di Bushiri Karting pero tabata envano. Tur biaha cu nos redaccion a haci pregunta riba e caso aki, a haya contestanan manera entre otro, “Lo yama bek.” Of “Ami no ta atende cu esaki mas pero dunami bo number y mi lo laganan yamabo.”

Bon Dia Aruba a busca informacion di con por ta posibel cu un luga cu ta duna servicio di risico halto tin un permiso operacional sin tin un seguro cu ta cubri e tipo di accidente nan aki. Manera custumber, niun departamento no sa nada y bo ta wordo tira di un banda pa otro.

AZV
Den un entrevista algun luna atras cu vocero di AZV Solange Tchong, Bon Dia Aruba a puntra si AZV mester cubri tur e gastonan haci pa yuda e victima den un caso asina, specialmente tumando na cuenta cu e accidente a pasa riba un tereno priva. E vocero di AZV a splica e tempo ey cu pa alivia e situacion na e momento di e situacion, nan ta cubri e gasto pero cu e compania di seguro nacional sa ‘achterhaal’ e gastonan aki bek cerca e seguro di e partido cu ta responsabel. Si esaki a tuma luga den e caso specifico aki, no ta conoci.

Posibel malpractica medico
Na banda di e accident, sra. De La Hoz ta sinti cu tin tur indicacion cu malpractica medio a tuma luga. A dura lunas prome cu a purba reconecta bek e cuero cu a ranca bek na su cabes, despues cu esaki a wordo conserva, segun e ta splica. Sra. De La Hoz a tuma contacto cu varios dokter di exterior y tur a splic’e cu esaki no ta un practica comun. E cuero cu nan a pega a bira preto y finalmente nan mester a wordo ranca bek for di e cabes di sra. De La Hoz. “E la sinti mescos cu mi ta pasando di e accident di nobo. Sin verdoving, sin nada, nan a ranca tur e cuero morto bek”, el a

You May Also Like

Lek diesel hospital a contamina Bubali Plas

Aunke autoridadnan a haci esfuerso pa preveni cu e lek di diesel for di ...

ahata 2.jpg

AHATA: sosteniendo peticion Minister di Husticia pa mas fondo pa siguridad

AHATA, e asociacion di sector hotelero, ta preocupa cu e aumento recien den actividad ...

download.jpg

Minister Plasterk ta ofrece Aruba ayudo

Minister di Asuntonan Interior y Relacionnan di Reino Plasterk a ofrece ayudo na Aruba ...

arubus tempo.jpg

STA: ‘Cada dia menos bus den bon estado pa cubri nan rutanan’

E situacion di e compania estatal di transporte Arubus ta uno preocupante. E accion ...

images.jpg

Aruba ta exigi cu Reino ta revoca e nombracion di Boekhoudt como gobernador

Den un carta cu Bon Dia Aruba a obtene exclusivo diasabra anochi y a ...

6oct tram y metanan nobo (2).jpg

Minister di turismo lo reuni pa tram no bira djis un vehiculo pa keiro

ORANJESTAD – Segun minister Otmar Oduber, e inversion cu a wordo haci den e ...