Casonan relaciona cu negligencia emocional di muchanan a subi

Abuso mucha

A base di nan cifranan, Bureau Sostene Mi ta deduci cu e cantidad di caso relaciona cu negligencia emocional contra nos muchanan a subi compara cu aña pasa.

Sra. Tecklenborg di Bureau Sostene Mi a indica cu normalmente nan tabata maneha un cifra entre 265 caso pa aña relaciona cu caso mes, registracion y conseho,  ya cu esaki ta esaki ta e metanan principal di e bureau aki. Sinembargo e aña aki te cu dos dia pasa, e cifra actualisa tabata 313 caso, faltando practicamente dos luna completo ainda di 2015.
“Kiermen e pronostico ta mustra cu nos lo bay pa un 350 pa 360 e aña aki cu ta un cantidad considerabel”, asina Tecklenborg a bisa. Di tur e casonan esun cu mas ta resalta ta e negligencia emocional.

Investigacion
Nan ta haci investigacion si realmente ta trata di un caso cu ta wordo considera como un abuso. Despues nan ta check si e mayornan of esun cu tin e voogd di e menor, si e ta realisa cu tin algo pasando. Den un 85% esunnan responsabel di e menor ta realisa cu tin algo pasando y cu ta momento pa cambia e situacion. “Den otro palabra, un 85% nos por referi bek na e mayor aki pa haya guia boluntariamente”, el a bisa.

Lamentablemente un 15% ta mayornan cu no ta realisa of no tin e poder pa realisa e momento ey cu algo ta pasando y e tin cu haci cambio na su situacion, entre otro cu intervencion di Departamento di Voogdijraad cu ta traha a base di ley.
El a bisa cu den e momento aki Bureau Sostene Mi kier tin  mayor capacidad pa nan por tira miho bista riba e caso aki, ya cu nan intencion sigur ta cu prome cu e caso ta wordo cera, semper nan por haci un siguimento pa wak si berdaderamente e caso tabatin un mehoracion.

You May Also Like

Mediador di Gobierno su contract a keda renoba

Despues cu e contract di Mediador di Gobierno, sr. Anselmo Pontilius a vence,  gobierno ...

1jun, NW, bernabela kia (1).JPG

Rene Bernabela: Trahadonan di KIA ta geschors y e retiro no a tuma luga ainda

Ayera mainta e trahadonan di Korrectie Instituut Aruba (KIA) pa un rato a drenta ...

Awe ta di Dia Internacional di Museo

Aruba su museonan tambe ta celebrando nan dia hunto cu ICOM, cu ta e ...

Investigacion interno di corupcion na DOW ainda den proceso

Tin un investigacion interno di corupcion andando den DOW pa algun luna caba y ...

Aclaracion sistema di cobransa impuesto nobo

Manera ya conoci, desde 1 di juli 2018, tin diferente cambio cu a wordo ...

IMG_7512.JPG

Polis a detene hoben cu a bati su tata seriamente na Pos Chikito

Dialuna anochi na un cas di famia na Scobillostraat Pos Chikito a surgi un ...