CBA: Confiansa di consumidor ta mehora

ORANJESTAD – Segun un reporte recien, publica riba website di CBA, sentimento di consumidor a mehora den e ultimo trimester di 2018, resultando den un Indice di Confiansa di Consumidor di 97,0, un aumento di 2,7 punto di indice compara cu e periodo anterior, segun e ultimo resultadonan di e Encuesta di Confiansa di Consumidor (CCS) di Banco Central di Aruba (Grafiek 1).

E Indice di e Situacion Actual a mehora den e ultimo trimester di 2018, subiendo cu 3,3 punto di indice na 95,9. Consumidornan tabata positivo riba nan situacion personal financiero actual, como cu e indice aki a bira optimista, subiendo di 95,3 te na 102,5 (Grafiek 2). Maske e otro componentenan di e Indice di Situacion Actual a keda pesimista, consumidornan a raporta un expectativa menos negativo riba e otro componentenan di e Indice di Situacion Actual, cu excepcion di e situacion financiero actual di gobierno, cu a keda igual na 93,3 (Grafiek 2).

E Indice di Expectativanan ta esun cu a mehora mas hopi den e trimester bou di revision. E indice aki a mehora cu 3,3 punto di indice te na 97,8. Consumidornan tabatin expectativanan positivo ariba nan situacion personal financiero, como cu e indice aki a bira optimista den e ultimo trimester di 2018, subiendo di 98,0 te 104,4 (41,6% di respondientenan a indica cu nan situacion personal financiero lo ta miho den e siguiente 6 luna). Respondientenan tabata ainda pesimista riba e otro componentenan di e Indice di Expectativa, pero cu un bista menos negativo compara cu e trimester anterior.

E Indice di Habito di Consumo a mehora den e ultimo trimester di 2018, subiendo cu 2,1 punto di indice te na 98,5. Consumidornan tabata positivo pa compra di aparato grandi (46,2%) y pa bay cu vakantie (69,3%). Mientrastanto, e otro componentenan tabata un tiki menos negativo cu e periodo di encuesta anterior, cu excepcion di haci un prestamo, cu a mantene na 95,2. E gran mayoria di respondientenan (72,7%) ta anticipa cu prijsnan lo subi den e siguiente 6 luna, resultanto den un Indice di Expectativa di Prijs di 90,4.

Resumiendo, e mehoracion den e confiansa di consumidor ta atribui na aumentonan den tur componente, cu excepcion di e Indice di Expectativa di Prijs (Tabel 1).

 

You May Also Like

img_1448322688_135.jpg

Departamentonan di gobierno ‘no tin pura’ cu presupuesto 2016

ORANJESTAD – Faltando cuater siman pa 15 di december 2015, y un siman despues ...

‘Falta di cultivacion di cuminda na Aruba ta haci nos hopi vunerabel’

Ludwich Samson: Ludwich Samson, chef y doño na su propio restaurant(nan) ta conta Bon ...

yellow deteni.JPG

OM: Yellow na St. Maarten desde comienso di luna

Milanchelo Trenidad miho conoci como Yellow no ta cera den prizon aki na Aruba ...

director SVB Edwin Jacobs

SVb no ta mira espacio pa sigui baha gasto pa sanea fondo di seguro di malesa

Fondo di seguro di malesa a yega di pasa den diferente desaroyo  y cambionan ...

Ainda gobierno no a reuni cu ABC pa protege 16 areanan di naturalesa

Aruba Birdlife Conservation (ABC) Ainda no a reuni cu gobierno riba e ultimo desaroyonan ...