AZV: Cuido oncologico ta garantisa

ORANJESTAD – Recientemente AZV a tuma nota di e comunicadonan cu ta e medionan y ta duna su reaccion.

AZV hunto cu HOH ta traha un manpowerplanning pa sa cuanto specialista medico tin actual y cuanto ta bin adicional e añanan binidero. A base di e manpowerplanning aki, AZV ta pone un budget disponibel pa HOH y ImSan por contrata e specialistanan necesario. Enfin, AZV ta responsabel pa cumpra e cuido, HOH y ImSan ta esun responsabel pa suministra e cuido.

AZV ta e organisacion cu ta cumpra cuido medico pa su aseguradonan. Pa tipo di cuido cu no por tuma luga na Aruba, AZV ta cumpra e cuido adecua na Colombia, Corsou, Hulanda of Merca. Na Aruba mes tin solamente 2 instituto unda AZV por cumpra cuido medico y esey ta dr. Horacio Oduber Hospital (HOH) y Instituto Medico San Nicolas (ImSan).

Vacatura
Actualmente tin diferente vacatura na Aruba pa specialista medico. Tin luga pa:

Oncologo,ginecologo, pedriatra, KNO,intensivista.

Mester ta cla cu no tin niun drempel financiero pa e vacaturanan di e specialismonan aki riba menciona ta wordo yena. E budget t’ey, pero HOH no a contrata dokternan fiho ainda.

Reemplasante temporal
Logicamente e demanda pa cuido medico ta keda existi. Pa yuda e pashentnan tanten, HOH ta busca dokternan reemplasante cu ta bin Aruba pa un periodo cortico te ora un dokter fiho ta wordo contrata. Esaki no ta un situacion optimal pa e pashent, specialmente ora ta trata un malesa serio manera cancer. Sin embargo, manera anteriormente menciona, e ta necesario si pa e continuidad di cuido.

Monitor
For di november 2018 AZV ta vigila e situacion minucioso y ta reuni frecuentemente cu HOH como esun primeramente responsabel pa esaki.

 

You May Also Like

5fomama.jpg

Hopi reaccion y pregunta riba diferencia di edad di mayornan di baby di aña

Despues cu comunidad di Aruba a cera conoci cu baby di aña, y potretnan ...

Trahadonan a bay dilanti cu 22% den salario

Ayera tardi, IOWUA (Independent Oil Workers Union of Aruba) cu ta representa e trahadonan ...

Dr. Horacio Oduber Hospital ta un berdadero hospital di 5 strea

Recientemente Minister Mike Eman hunto cu su colega di minister dr. Alex Schwengle a ...

5P3A4768.JPG

Tres hoben saca for di auto den accidente serio Saliña Cerca

Diahuebs pasa di 1 or marduga riba e caminda principal di Kamay pa Saliña Cerca ...

Gobierno: cortando 8 miyon den personal

Prome minister Evelyn Wever-Croes (MEP) a anuncia con a corta gasto den su presupuesto, ...

23juniNG Camara di Comercio.jpg

Camara di Comercio ta mantene su sosten na AHATA

E carta cu e asociacion di hotelnan y turismo di nos pais, AHATA, a ...