(CNET) – E compania su fundador a bisa cu e lo permanece como president ehecutivo mintras cu Netflix ta sigui su plannan di avisonan y otro medidanan contra compartimento di password riba e plataforma.

Despues di 25 aña Reed Hastings a retira di su rol como co-CEO. E co-CEO actual Ted Sarandos lo sigui lidera e gigante conhuntamente cu e co-CEO nobo Greg Peters, ken tin 3 aña operando como Netflix su hefe di operacionnan y 6 aña como hefe di productonan.

E sucesion a ser anuncia diahuebs mientras Netflix a reporta un crecimento miho di loke a premira den e di 4 kwartal, cabando cu un aña turbulento cu anteriormente a inclui e lansamento di e subscripcion nobo cu comercialnan como medida pa contraresta e compania su prome perdida di subscriptornan den decadas.

Netflix, e servicio lider actualmente den plataforma pa mira peliculanan y serienan online a bisa cu e miembronan a aumenta cu 7.66 miyon yegando un total di 230.75 miyon entre october y ecember. Esaki ta mas cu Netflix su guia pa agrega 4.5 miyon miembro nobo. Tambe esaki ta miho cu e analistanan su expectativa, cual tabata un poco mas optimista cu 4.57 miyon miembro nobo.

LEAVE A REPLY

Please enter your comment!
Please enter your name here