Director nobo di Aruba Ports Authority Marc Figaroa a haci un bishita di trabao na Port of Amsterdam. Roy Hart di Economische Acquisitie di Aruba, den nomber di Minister Plenipotenciario Besaril a compaña Figaroa na e bishita aki.

E CEO di APA a keda ricibi pa Gert-Jan Nieuwenhuizen, Managing Director di Ports of Amsterdam. Conhuntamente cu ehecutivonan di Ports of Amsterdam a ofrece Marc Figaroa un trip riba boto door di e waf di Amsterdam y pa asina cera conoci cu e actividadnan di e waf.

For di maart 2015 APA Aruba NV y Ports of Amsterdam a firma un contracto di cooperacion. E cooperacion ta encera actividadnan riba diferente nivel entre e dos wafnan. E waf di Amsterdam ta e di cuater waf mas grandi di Europa pa loke ta stock y procesion di producto di energia, manera fuel y otro productonan petrolero. Den e region di e waf di Amsterdam ta traha en total 68 mil hende.

Durante e trip cu e boto Roy Hart a haci entrega di e foyeto Economic Policy y esun di di Freezone na Gert-Jan Nieuwenhuizen pa asina nan ta na altura di e vision economico di Gabinete Wever-Croes. Nieuwenhuizen a aprecia esaki y a gradici Hart y Arubahuis cu a intermedia pa e contactonan entre Ports of Amsterdam y APA Aruba.

 

LEAVE A REPLY

Please enter your comment!
Please enter your name here