Turismo tin un significativo aporte pa Republica Dominicana, mediante miles di trabou, inversion directo y e generacion di divisa, pa cual motibo autoridadnan y sector priva ta purba di protege e prestigio di e industria aki.

Economista Juan Lladó ta calcula cu e peso economico di e actividad turistico ta ekivalente pa 15% aproximadamente di e Producto Interno Bruto di Republica Dominicana, esaki ta pa motibo cu no ta influi riba hotelnan y restaurantnan so, sino tambe un serie di actividadnan cu ta beneficia di e yegada di stranhero na e parti oriental di e Isla Hispaniola, ocupa pa e nacion Caribeño.

E mercado hotelero Dominicano, domina pa inversionistanan stranhero, ta dispone di 80.372 camber cu na 2018 a ricibi 6.568.888 bishitante, segun e Banco Central di Republica Dominicana a contempla den un informe.

Oficina Nacional di Estadistica di Republica Dominicana (ONE), a informa cu 2.230.000 Mericano a bishita e pais aña pasa. Minister di Turismo, Francisco Javier García a señala cu ‘no tin ningun misterio’ riba e fayecimento di varios persona, a aclara cada evento mediante investigacion cu a inclui informe forensico y ta resalta cu den e ultimo tres aña, e morto di ciudadanonan Mericano den teritorio Dominicano a disminui cu 58%.

“Esaki ta un especie di campaña, ruido mediatico”, e funcionario a sigura pa e medionan di comunicacion, despues di revela cu otro ministerio di e region a manifesta nan inkietud cu lo por causa algo similar na nan pais.

 

LEAVE A REPLY

Please enter your comment!
Please enter your name here