Chapo Guzman a logra aprobacion di tribunal pa haya un manta

nota 3,mexico.jpg

E Mexicano Joaquin “El Chapo” a logra cu un hues a dune decision faborabel pa permiti entrega di un manta pa Guzman, y cu asina e por protege su mes di friu den prizon na Ciudad Juárez, unda e ta warda pa huicio di extradicion contra su persona.

 

Hues number Seis localisa na Chihuahua a otorga un suspension na fabor di Guzman, despues cu abogado di defensa a presenta un medida di amparo, pasobra nan ta alega cu Guzman no tin suficiente paña pa bisti ora cu e temperatura ta abao y cu ta haci hopi friu.

 

Defensa di Guzman a denuncia hopi biaha cu condicion den prizon pa e Hefe di Cartel di Sinaloa no ta bon, pasobra e ta for di comunicacion, no tin acceso na medicina y no por drumi na paz.

E casa di Guzman, e hoben Mexicano Emma Coronel, ken ta un ex-reina di beyesa di 35 aña a denuncia hopi maltrato di Guzman, dilanti di Comision Interamericano di Derecho Humano (CIDH), localisa na Washington, y dilanti di Defensoria Nacional Mexicano.

 

Autoridad di Mexico no a considera e acusacion di maltrato di Guzman, ken ta solicita pa tribunal di Merca na Texas y California pa motibo di homicidio y narcotrafico.

 

Luna di mei pasa Guzman a ser traslada pa prizon di Ciudad Juárez cu ta na frontera cu El Paso, Texas, desde e prizon di El Altiplano, localisa na 90 kilometer di Mexico. El Altiplano ta prizon unda Guzman a huy na 2015.

Awor e canciyer di Mexico a aproba e extradicion na luna di mei, y a ser ratifica tambe pa un hues federal na october, pero e defensa di Guzman a apela e decision ey dilanti di un tribunal unitario y ta spera cu e caso por bin dilanti di Corte Supremo.

 

You May Also Like

5c5b8e3daa31af4f56691543c262cc5757a5227dde99f17842b69a62fe7f4234_3748474.jpg

Polis ta tira homber cu no tabata arma cu su man hisa na laira

Polis ta investigando un caso unda cu un terapista cu tabata busca pa su ...

Doño di compania Samsung a wordo deteni pa soborno

Diabierna e cabes di compania Samsung na South Korea a wordo deteni riba cargonan ...

Venezuela eleccion

Lider di oposicion Venezolano tira mata durante campaña eleccion

Luis Manuel Diaz, un lider di oposicion regional di partido Accion Democratico (AD) a ...

Atake na Barcelona: Buskeda nobo di chauffeur sospechoso

E chauffeur den e atakenan na Barcelona cu a laga 13 persona morto den ...

images.jpg

China riba critica di Merca: ‘Wanta un spiel bo dilanti’

China a condena e critica di Merca pa locual ta Derecho Humano riba Diahuebs. ...

ivory-coast-post-electoral-violence (1).jpg

Ivory Coast: Tiramento na e Grand Bassam Beach resort

Un hotel riba e beach di Grand Bassam na Ivory Coast a wordo ataka ...