Diasabra anochi, ambulance, brandweer y polis cu urgencia a bay Golfweg na San Nicolas unda un auto a bolter y tin persona pega aden. Na yegada di patruya a topa cu un nissan 350z numbera A-7337 ariba su dak. E chauffeur tabata pega den e auto,debi cu e auto a haya sla e porta no por a habri y a pone cu ayudo di brandweer a corta e auto pa saca e chauffeur herida aden. Velocidad halto sigur a hunga un rol con e auto a keda y bay para den mondi.
