Cheap labor creando situacion di delincuencia explosivo

diego de cuba.jpg

Un hende cu salario di 4000 florin pa luna mes aworaki ta mira cu e placa no ta yega mas. Awo sin pensa riba un mama cu un tata cu ambos ta cana salario minimo. Nan dos hunto ta keda cu 3000 florin despues di kita belasting. Awo nan tin dos yiu, ta con ta nan sobrebibi si nan tin hypotheek pa paga, awa cu coriente, scol, cuminda, transporte etc. E placa no ta yega, Sr. De Cuba a bisa presidente di STA ta bisa.

Asina ta cuminsa haya problemanan social cu ta bin laira pasobra e tata tincu bay haci dos trabou, mama tincu haci dos trabou, wela cu welo no tin control riba nan kiermen ta pan pa KIA, asina Sr. De Cuba a describi e situacion. “Ta creando un situacion di delincuencia explosivo.” CBS ta bisa cu un hende su so e bestaansminimum ta 2600, si bo ta un pareha casa cu 2 yiu, e bestaansminimum ta 4600. Pues eynan caba ta wak cu ta hopi bou di e margen. “Esaki ta cosnan cu ta papia cu minister Paul Croes pero e ora ey nan ta bira sordo y nan un kier tende esaki. Aruba ta den un pobresa formal. Ta papia cu hendenan di Rode Kruis y nan ta bisa mi bosa cuanto hende ta bin akinan pa cuminsa? E cantidad ta crece cada dia. E dolor di mas grandi ta unda cu ta haya CBS cu index cijfer di 2015 cu ta negativo. Tur e cosnan aki ta consecuencia di cheap labor. Pasobra si tabatin 50% di trahado den clase medio e ora lo tabata stabiel, pero aworaki tin 70% cu ta cobra bou di 2000 florin.” Ta sigui comenta e cos aki como cu ta sigui laga hende bin di afo haci trabou free for all, el a enfatisa.

Lesa mas den edicion mayan di Bon Dia Aruba

You May Also Like

klapchi

Indicacion ta mustra cu benta di klapchi no a bay bon

Ainda no ta conoci oficialmente si tin persona cu a resulta lesiona durante e ...

kerstboom.jpg

Kerstboom a yega

Un cos cu ta marca e ambiente di inicio di temporada di Pasco ta ...

asocial 3 (2).jpg

Anti social ta tira sushi y cora riba beach

Den e weekend ki Bon Dia Aruba a observa cu ainda tin ciudadano cu ...

Sindicato STA ta anuncia paro completo na Arubus

Diego de Cuba di Sindicato di Trahadonan Arubano (STA) ta confirma na Bon Dia ...

Registronan di esclavonan Arubiano publico pa tur

E registronan di esclavonan di Aruba pronto lo ta digitalisa y asina publico pa ...