Joshua Cheptegei a kibra e record mundial den un carera di 10km riba caminda na Valencia ayera.

E coredo di Uganda a pone un tempo di 26 minuut, 38 seconde – seis seconde mas lihe cu e record anterior, cual Patrick Komon di Kenya a tene desde 2010.

Cheptegei a logra esaki despues di gana titulonan mundial den eventonan di cross country y track e temporada aki.

Cheptegei a laga atras su pacemakernan prome cu punto di mita, y tabata riba su mes pa resto di e carera den e ciudad oriental Spaño.

“Campeon mundial di cross na Dinamarca, campeon mundial di 10mil meter na Doha, y awo record mundial aki na Valencia. Un aña esaki ta!” Cheptegei, di 23 aña di edad, a bisa, segun IAAF. “Mi no por kere! Mi tabata sa cu Valencia lo ta un caminda hopi lihe, un di esunnan mas lihe den mundo. Pues pa logra locual nos a bin aki pa logra ta algo hopi special.”

LEAVE A REPLY

Please enter your comment!
Please enter your name here