For di otro luna, Aeropuerto Internacional di Santiago de Chile lo habri bek pa turismo internacional cu yega for di cualkier pais.

E noticia aki a wordo ricibi di un bon manera pa empresarionan, asociado y trahadonan di turismo di Chile, ya cu ta forma un parti esencial pa reactiva e sector. Asina cu e norma cu ta permiti reapertura di frontera keda estableci, bishitantenan lo no tin cu haci cuarentena y lo por haci turismo di manera liber, pero lo wordo controla a traves di un app cu ta monitoria nan sintomanan.

ā€œMas importante ta e proceduranan y nos mester tin eseynan bon implementa prome cu habri frontera: tur persona cu drenta e pais, Chileno y stranhero, lo drenta den un periodo di vigilancia di 14 dia. Nan lo mester reporta nan sintomanan y ubicacionā€, Paula Daza, sub-secretario di Salud a bisa y a agrega cu personanan cu no notifica nan estado y no cumpli cu nan rapport lo por wordo sanciona.

Den ultimo dianan a reporta, for di distinto punto di e pais, varios manifestacion pacifico pa loke ta trata habrimento di frontera. A implementa e medida dia 17 di maart ultimo, y tabata e prome determinacion sanitario cu a busca pa evita e plamamento di e virus.

Pa otronan esaki a yega como un gran noticia pa empresarionan turistico di sur, specificamente na comuna di region di Araucania, como Puerto Saavedra, Teodoro Schmidt, Carahue, Nueva Imperial, Freire, PitrufquĆ©n, Gorbea, Loncoche, PucĆ³n, Lican Ray y Villarrica, ya cu eynan lo tuma luga un eclipse total e proximo luna di december. Pā€™esey e oportunidad di ofrece paketenan turistico ta un opcion cu ainda ta posibel si, segun e sub-secretaria a enfatisa, mester cumpli cu e disposicion pa evita contagio y pa no drenta den fase di aislamento cu lo impedi transito liber.

LEAVE A REPLY

Please enter your comment!
Please enter your name here