(AP) — Polis Chileno a bisa ayera cu nan a detene un grupo internacional di traficador di migrante cu a manda mas di mil migrante fuera di e nacion Sur Americano, incluyendo muchanan sin acompañante bayendo Merca.

E grupo ta acusa di hinca hende ilegalmente den Chile. E Polis Investigativo a bis cu mientras tabata haci aresto na nort di Chile, nan a encontra 75 migrante Colombiano y Venezolano cu a caba di yega for di Peru.

Polis a bisa cu e ring tabata lidera pa un homber Haitiano y tabata inclui persona for di Peru, Paraguay, Venezuela y Chile.

Cabesante di brigada di traficacion humano di polis metropolitano, Giordano Lanzarini, a bisa cu oficialnan aña pasa a detecta cu muchanan menor di 5 aña di edad – descendientenan di Haitiano cu ta ciudadano Chileno pasobra a nace na e pais – tabata siendo detecta pa oficialnan di migracion na otro paisnan mientras tabata dirigi na Merca.

El a bisa cu e grupo te awo e aña aki a move mas di mil Haitiano, incluyendo algun mucha biahando sin acompañante, cuminsando e biahe peligroso riba tera door di e continentenan na caminda pa Merca.

Miles di Haitiano a yega Chile despues di e temblor devastador na 2010 na nan pais, y hopi di nan a haya trabao permanente. Pero un caida economico na 2019, sigui pa e pandemia y un sentido cresciente di rechaso social a conduci na cantidad di nan optando pa e biahe largo pa bay Merca.

Pero e migracion aki a crea crisis na puntonan clave na varios pais na caminda, como tambe na e frontera Mericano mes, unda miles a reuni na e brug di Del Rio, Texas. Esaki a pone cu Merca a bula algun di e migrantenan back na Haiti, y a permiti otronan pa warda na Merca pendiente di audiencianan, mientras cantidad di otronan a bay back na Mexico, cu ta purbando di tene mayoria di migrantenan asina para na su propio frontera sur mientras solicitudnan di asilo of residencia ta resolve.

 

LEAVE A REPLY

Please enter your comment!
Please enter your name here