China: Canades condena na morto den cambio di sentencia

Un corte Chines a sentencia un homber Canades na pena di morto ayera den un caso di contrabando di droga, mientras tension ta subiendo entre e dos paisnan pa e aresto di e ehecutivo halto di e compania Cines Huawei.

Den un repentino proceso nobo, e corte Chines den e provincia noreste Liaoning a anuncia cu nan a duna Robert Lloyd Schellenberg e castigo maximo, cambiando asina e sentencia duna na 2016 tempo cu nan a conden’e na 15 aña den prison.

E corte no a duna indicacion cu por cambia e sentencia ainda, pero ta parce cu destino di Schellenberg ta den e negociacionnan diplomatico encuanto e demanda Chines pa laga Meng Wanzhou, chief financial officer di e gigante di telecomunicacion Huawei.

Prome Ministro di Canada Justin Trudeau a condena e sentencia fuertemente, sugiriendo cu China tabata usa su sistema hudicial pa tuma represaya contra Canada. Den su comentario mas fuerte, Trudeau a bisa cu tur ais na mundo mester ta preocupa pa loke Beijing ta haci cu su sistema di husticia, aplicando arbitrariamente un sentencia di morto.

Pa caba di escala e crisis diplomatico entre e dos paisnan, un vocero Chines a bisa cu Michael Kovrig, un anterior diplomatico Canades, cu a keda aresta den un aparente venganza pa aresto di Meng na Canada, no ta bin na remarca pa inmunidad diplomatico. Schellenberg a ser aresta mas di cuatro aña y inicialmente a keda condena na 15 aña na 2016. Pero dentro di algun siman despues di e aresto di Meng na december un corte di apelacion di repente a revoca e decision ey, bisando cu e sentencia tabata demasiado suave, y a reprograma e proceso nobo, cu apenas cuatro dia di notificacion.

Despues di aresto di Meng, Kovrig y e empresario Canades Michael Spavor a keda deteni riba alegacion vago di seguridad nacional. Canada a inicia un campaña cu aliadonan pa logra libertad di Kovrig y Spavor. Merca, Gran Bretaña, Union Europeo y australia a expresa nan apoyo. Trudeau a yama presidente Trump siman pasa, y Cas Blanco a yama e arestonan “ilegitimo.”

You May Also Like

aptopix-police-shootings-protests-dallas.jpg

Snipers ta mata 4 polis den protesta na Dallas,Texas

Update: 5 polis a muri. E ‘sniper’ a wordo identifica como Micah X Johnson. ...

Autoridadnan ta intensifica siguridad pa marathon na New York diadomingo awo

Estado Federal, y agencianan di autoridadnan local lo intensifica medidanan di siguridad pa e ...

FBI investigando un acuerdo di hotel di Ivanca Trump

Autoridadnan Mericano ta investigando un di e acuerdonan relaciona cu Ivanka Trump su tratonan ...

Manifestacion grandi despues di anuncio di Trump riba Jerusalem

Protestanan ta creciendo rond di Gaza y West Bank, incluyendo Ramallah, unda cu ya ...

2f2281c3399e1971faa9b240fbc2213d.jpg

”Kim Kardashian” di Pakistan a wordo asesina door di su mesun ruman

E ruman homber di streya di social media Pakistani Qandeel Baloch, a confesa diadomingo di ...

Mark-Zuckerberg1.jpg

Mark Zuckerberg ainda no a logra conecta henter mundo cu Facebook

CEO di Facebook, Mark Zuckerberg ta declara cu su esfuerso di mas cu 3 aña ...