China a ofrece Jamaica prestamo y experticio pa construi kilometernan di caretera. A traves di Caribe, a haci donacion di ekipo di seguridad na forsanan militar y di polis, y a construi un red di centro cultural Chines. Tambe a manda cargamentonan grandi di test kit, tapaboca y ventilator pa yuda gobiernonan responde na e pandemia.

E iniciativanan ta parti di un empuhe keto pero asertivo di China den añanan recien pa expande su footprint y influencia den e region mediante prestamo y donacion di gobierno, inversion di companianan Chines, y esfuersonan diplomatico, cultural y di seguridad.

Pero mientras gobiernonan den e region a ricibi di bon forma interes di Beijing, administracion di Trump a mira e presencia di China – y su potencial pa reta influencia di Washington den e region – cu preocupacion y sospecha.

Maske e mercadonan Caribense ta generalmente chikito y mayoria di pais no tin e reservanan grandi di mineral y materia prima cu ta atrae China, e region tin importancia strategico como un hub pa logistica, banco y comercio, segun analistanan.

Jamaica, cu a emerge como un anker di actividad Chines den Caribe, a ricibi mas prestamo di gobierno Chines cu cualkier otro nacion isla Caribense, segun Dialogo Inter-Americano, cu ta track financiamento di gobierno Chines den e region.

Durante ultimo 15 aña, Beijing a fia Jamaica alrededor di $2.1 biyon pa construi caretera, brug, un centro di convencion y vivienda, segun e grupo. Donacion a financia un hospital di mucha, scol y un edificio di oficina pa Ministerio di Asunto Exterior, entre otro proyectonan, segun Instituto di Planeacion di Jamaica.

Y inversion directo di companianan Chines na Jamaica a hinca mas di $3 biyon den proyectonan manera mineria di bauxite y produccion di sucu.

China tambe a amplia su influencia den Caribe mediante cooperacion di seguridad, incluyendo donacion di ekipo na forsanan militar y di polis, y programanan cultural manera expansion di su red di Instituto Confucio. E institutonan aki ta provee instruccion di idioma y programacion cultural, pero ta acusa di disemina propaganda di gobierno Chines.

Sinembargo, ascenso di China den Caribe a pone administracion di Trump promove fuertemente su propio programanan di desaroyo. Merca tambe a aumenta advertencia na su aliadonan den e region tocante e riesgo di negocia cu Beijing, subrayando loke ta bisa ta potencial peligernan for di mal construccion te prestamonan predatorio y spionahe.

LEAVE A REPLY

Please enter your comment!
Please enter your name here