Chris Pratt ta anuncia su victoria como e ‘miho Chris’

Ta parce cu Chris Pratt a gana e ronda mas recien den e bataya di cua Chris ta e miho Hollywood Chris.

E strea di ‘Guardians of the Galaxy’ a subi rednan social dialuna pa comparti tocante su record campeon den un liga di futbol di fantasia pa caridad, den cual e ta competi contra Chris Evans y Chris Hemsworth, conoci como e AGBO Superhero League.

“Mi team di futbol di fantasia den liga di futbol di fantasia AGBO, si bo ta siguiendo – mi a yega e ronda final!” Pratt a bisa riba un story di Instagram, agregando: “Mi ta den e final! Con esey a pasa?”

Pratt a agrega cu el a gana $80mil pa su caridad, Olimpiada Special Washington.

“Ta un liga di 14 persona”, el a splica. “Mi tabatin di 14 draft pick. Bo sa con dificil esey ta? A scoge mi di ultimo. E tabata hopi traumatico. Tur hende cu a keda na ultimo sa con esey ta sinti.”

Pero ya el a registra victoria contra e otro dos homber yama Chris. “Mi a pasa dos victoria hopi, hopi cercano, esun mas reciente contra Chris Evans”, Pratt a bisa. “El a vence Chris Hemsworth siman pasa, pues mi ta kere cu awo finalmente nos por pone un fin na e debate di, ‘ken ta e miho Chris?’”

Si Pratt gana e titulo, su caridad lo ricibi $150mil.