Cientificonan ta mehora metodo pa salba rhinoceronte

Apenas dos rhinoceronte blanco di nort ta existi den mundo: tur dos ta femenino y ningun di nan por sali na estado. Pero cientificonan no a bandona speransa di salba e especie for di extincion.

Nan a logra aña pasa crea embryonan hibrido uzando sperma gevries di rhinoceronte blanco y webonan di un rhinoceronte blanco di sur, un sub- especie cercanamente relaciona.

Awo nan ta trahando riba con lo implanta e embryonan den un mama substituto pa carga e embaraso, y unabes nan logra esey, nan por crea embryonan di rhinoceronte blanco di nort di pura rasa, cu lo wordo carga pa un rhinoceronte blanco di sur.

Como parti di e trabou ey, diaranson, un ekipo lidera pa Thomas Hildebrandt di e instituto Leibniz pa investigacion di zoologia y bida salvahe na Berlin, a cosecha cellnan di webo for di un rhinoceronte blanco di nort femenino, Hope, di 17 aña di edad, na un parke na e ciudad sur di Polonia, Chorzow.

Recientemente, nan a haci mescos cu un seleccion di rhinoceronte blanco di sur como 18 biaha den zoologico na Europa.

Cu e tamaño di un rhinoceronte y su peso di como dos ton, tabata un reto pa e cientificonan busca un manera di cosecha e webonan sin causa daño na e bestia.

Ya cu e ovarionan ta como dos meter paden, nan a introduci un instrumento cu nan a crea pa e proposito aki, conteniendo un camara ultrasonido cu un hangua, na e ano di e bestia y den e tehido ovario.

“Ta un tiki manera ciencia di raket, pasobra no tin un ehempel pa nos sigui, pasobra nos ta e prome den e campo aki pa desaroya tur cos for di cuminsamento”, Hildebrandt a bisa.

Ya cu e rhino nort femenino, un mama y un yiu yama Najin y Fatu, kende ta biba na Kenya, no por haya un yiu nan mes, e embryonan crea cu nan webo lo wordo implanta den un substituto rhinoceronte blanco di sur.

E proceso di implantacion ta locual awo e cientificonan ta purbando di perfecciona. Unicamente ora nan por master esaki nan por tuma e riesgo di uza e cellnan di webo di e ultimo dos rhinoceronte sobreviviente y e sperma preserva pa produci un rhinoceronte blanco di nort ‘puro’, cu lo wordo pari pa un substituto sureño. Nan ta spera di logra esaki den menos cu tres aña.

 

You May Also Like

Candela na un scol na Malaysia: 21 mucha morto

21 mucha y 2 adulto a perde nan bida den un candela cu a ...

56a150c81f00007f00216732.jpeg

Alerta pa Merca cu tormenta di winter

Merca ta riba alerta pa un tormenta cu lo causa hopi caida di sneeuw ...

atake istanbul.jpg

36 hende morto te awor despues di atake riba aeropuerto Istanbul Ataturk

E atake riba aeropuerto Istanbul Ataturk na Turkia, a laga 36 hende morto te ...

india.jpg

14 morto y mas cu 150 herido despues cu un edificio a cay na India

Na Kolkata, India, rescatadornan a dera door di pidanan grandi di beton pa por ...

WEED.jpg

Canada ta pusha pa legalisa Marijuana

E gobierno di Canada lo bay introduci un legislacion otro aña cu lo haci ...