Cierto areanan cu vak geel pa parkeer lo bira blanco; Tin cu paga pa parkeer pero lo tin area gratis

referendum aruparking.jpg

ORANJESTAD – Entrante otro siman, comunidad lo wordo informa riba e maneho nobo di minister di transporte publico, Chris Romero pa loke ta trata Aruparking y sistema di parkeer den area di centro di ciudad.

E mandatario a conta Bon Dia Aruba cu nan ta basta leu cu e cambionan aki. Pa esun cu a custumbra di parkeer den e vak blanco sin paga, pronto esaki no lo ta mas. E mandatario a laga sa cu ta bay cobra, ya cu e sistema di parkeer meter aki tin su beneficio tambe.

E ta haya cu e sistema aki ta algo normal den cualkier pais. Eventualmente, pa luna di april, nan lo cuminsa implementa parti di e maneho nobo aki.

Vaknan geel y blanco
Igualmente, e mandatario a yega di tende cu tin cantidad di vaknan geel liber, mientras cu e automobilistanan ta sufri ya cu tur vak blanco ta yen. Romero a splica cu algun di e hendenan cu ta haciendo uzo di e vak blanco ta debi cu nan ta staciona eynan, pasobra e ta keda cerca di nan trabou. Pero e ta haya cu unabes ta wordo introduci e sistema di cobramento, e hendenan ta bay wak un cambio. E vaknan geel ta bay ta mas ocupa y e blanco nan lo ta liber, ya cu e hendenan ta bay yega staciona ya sea pa haci nan compras y bay.

Nan ta asina leu caba, cu nan a identifica cierto areanan cu ta bay ta gratis. Tambe cierto areanan cu e vak geel lo wordo elimina, y nan lo bira blanco.

Nan lo cuminsa prome cu un campaña di informacion, antes cu nan bin cu tur e cambionan aki. E mandatario a indica cu ehecucion di e cambionan aki no lo ta uno di sorpresa, sino cu lo wordo duna un periodo -di por ehempel un luna- prome cu nan ta ehecuta sancion si bo no ta cumpli cu cierto rekisitonan.

“Nos lo bay duna e informacion necesario pa comunidad, pa nan ta alerta cu e cambio ta biniendo,” el a bisa. Unabes cu comunidad ta na altura di dje, nan lo por cumpli cune.

Demanda pa parkeer y siguridad
E demanda pa bo tin un parkeer den e zona aki ta basta grandi. Pero hopi hende ta prefera di por yega pone un of dos florin pa staciona cerca unda nan kier bay, haci loke ta necesario, y bay bek.

E usuario aki por keda trankil, ya cu den e zona cu el a laga e auto tin siguridad. Tin personal di Aruparking cu ta controla constante y vigila bo auto. Esaki ta un di e beneficionan cu nan ta ofrece den e zona aki di parkeer controla pa Aruparking.

“Nan no ta controla solamente si bo a paga, sino cu nan ta wak si bo auto ta sigur tambe,” el a bisa.

 

You May Also Like

Parke Marino Aruba: Proteccion ‘solamente riba papel’ si no haci cambionan recomenda

ORANJESTAD – “Si e parke marino no cumpli cu normanan conforme IUCN, e lo ...

image.jpeg

Apelsina y anasa exporta pa Aruba ta liber di Musca di Mediteraneo

 Asociacion di Citricultornan di Sonaguera (Acison), na Colon, Honduras, a expresa nan satisfaccion di por a habri e porta di ...

Beach publico na luga di ex Bushiri hotel

Conseho di minister a aproba un par di plannan relaciona cu edificionan bieu den ...

Persona di edad ta bira malo para den fila pa paga number

Diabierna mainta atrobe por a mira un cantidad di hende para pafo di edificio ...

Cana pa topa cu Donald Trump riba sexual harassment

Karin Bosman, e fundado di About Workplace Harassment (AWH) cu a cuminsa cu su ...

5P3A7698.JPG

Companianan di takelwagen ta despedi di Maracucho

Diamars merdia por a tuma nota dilanti Aurora Funeral home algun takelwagen staciona esaki ...