Morto di modelo Hulandes na Malaysia un accidente, segun corte

DEN HAAG – E corte Malay investigando e morto di e modelo Hulandes, Ivana Smit, a declara cu su morto tabata un accidente, segun abogado di su famia, Sebas Diekstra.

Ivana a wordo haya morto bou di un balcon na e di 20 piso di un blok di apartamento na e capital Kuala Lumpur, dia 7 di december 2017. E hoben di 18 aña di edad tabata bishitando un pareha Mericano den e apartamentonan despues di un anochi di fiesta.

Autoridadnan di Malaysia prome a bisa cu su morto tabata un accidente, pero un patologo Hulandes, kende a examina su curpa, a haya discrepancia cu e version oficial di e suceso.

Frank de Goot a bisa cu el a haya heridanan cu a sucede prome cu el a cay for di e balcon, y un falta di sanger na e luga unda el a wordo haya ta sugeri cu e tabata morto caba.

Famia di e hoben tambe ta convenci cu e morto di Ivana no tabata un accidente, y a ofrece un recmpensa di $50,000 na cualkier persona cu por duna informacion cu lo conduci na e persona responsabel.

“Hues a considera e opcion di un crimen, mirando cu tin un cantidad di indicacion, pero a bisa cu e no por establece kico a pasa entre Ivana y e pareha”, Diekstra a bisa. E pareha a nenga cualkier participacion den su morto, pero preguntanan tambe a wordo lanta contra nan testimonio. Despues, a Sali na cla cu nan a haci nan apartamento limpi despues di morto di Ivana.

 

 

You May Also Like

venezuela.jpg

Poco poco, no tin mas fila na supermercado na Venezuela, cuminda ta cabando

Segun un reportahe di USA Today, diferente supermercado na Venezuela ya no ta yena cu fila ...

GCSEGET.jpg

”Studiantenan na Inglatera ta esunnan mas analfabetico den e mundo academico”

Segun un estudio conduci door di OECD (the Operation for Economic Co- Operation & Development) ...

Drones lansa pa yuda preserva santana Hudiu na Europa

RECA, Slovakia (AP) — Un organisacion priva ta expandiendo su trabou pa preserva santana ...

Hulanda su cambionan annual entrante dialuna lo afecta diferente sector

Cada aña na Hulanda leynan, regla y tarifa nobo ta wordo introduci na mes ...

051611d52fe8d7f7754286ed3fe1aa35.jpg

Adolf Hitler tabata adicto na droga?

Dictador NAZI Adolf Hitler tabata bao influencia di droga y tabata influencia su soldaatnan ...