Cinco mucha a wordo rescata pa tripulante di compania acuatico

Diamars den careda di 5’or di atardi un persona atento a tuma nota di cinco mucha riba un vlot di plastic ta drif  riba lama bayendo afo pabou di Arashi. Ta mustra cu nan tabatin problema pa bin bek paden y un di e muchanan a bula awa. Di biaha a bati alarma na central di polis, Warda Costa y polis Maritimo a wordo poni na altura. Un boto di e compania di deporte acuatico Sunshine atento cu a mira e situacion aki di muchanan ta drif bayendo afo a bay den e direccion y a duna nan un man. Tur e cinco muchanan a keda rescata pa e boto Sunshine y a trece nan na canto sano y salvo. E accion di entidad huridico no tabata necesario mas. Polis a presenta si na e sitio pa tuma tur informacion.