Citgo Aruba a acerca Smac pa yuda aporta den Aruba su Carnaval. Despues di algun dialogo a bin na conclusion pa yuda cada grupo cu ta participando den Carnaval e aña aki den parada di mucha cu un bunita donacion di 5.000 florin.
E organisacion encarga cu Aruba su Carnaval (Smac) durante rueda di prensa a anuncia cu Citgo Aruba lo bira nan sponsor principal pa loke ta parada di mucha. Segun Sra. Shannon Henriquez di Smac: “Nos tur sa cu pa hopi aña e gruponan tabata tin semper falta di un sponsor of un extra ayudo. Den e caso aki mi tin di bisa cu nos ta hopi contento di duna bon bini na Citgo pa por forma parti manera un di nos sponsor pa parada di mucha.” Sr. Alirio Zambrano, representante di Citgo Aruba ta bisa: “Nos ta contento pa por contribui cu e parada di mucha. Carnaval ta un di e tradicionnan mas importante na Aruba, e muchanan ta e futuro di cada nacion anto naturalmente e futuro di Carnaval na Aruba ta den man di nos muchanan. Yudando e muchanan cu participacion di creatividad den Carnaval, nan no solamente lo pasa bon, pero lo yuda den continua e desaroyo di e tradicion di Carnaval na Aruba.”
Secuencia
A haci e trekmento di lot tambe pa loke ta parada di mucha Oranjestad y San Nicolas. E secuencia ta lo siguiente:
1. TOB Kids
2.Kids Champagne
3.Deja Kids/CB Noord
4. Little Groovers
