Ciudadanonan ta suplica gobierno pa haci algo cu e Killing Cage na Wayaca

Maltrato grandi di bestia aparentemente tumando luga

 

Ultimamente ciudadanonan ta acudi riba rednan social pa denuncia actonan cruel contra bestia pasobra aparentemente no tin ningun otro caminda mas pa bay pa un solucion. Nos a yega di publica riba e kill cage na Wayaca varios biaha, cual atrobe a bin den boca di pueblo e ultimo siman aki. Ciudadanonan ta haci un apelacion na gobierno pa haci algo cu e situacion aki na Wayaca unda cu tin maltrato grandi di bestia tumando luga.

Riba e grupo di Facebook Vraag en Aanbod Aruba, nos redaccion a tuma nota di algo cu un ciudadano a skirbi tocante cachonan laga na e kill cage na Wayaca. E ciudadano ta comenta cu aparentemente tin algun tipo di maltrato/abuso/batimento di bestia pasando eynan te ora cu e bestianan muri. E ciudadano a conta su experiencia cu: “E ta hopi tristo con awe mi guy ta bay busca su cacho cu ta perdi, y pasa na Wayaca na e shelter, tira un bista na e kill cage unda cu tabata tin dos cacho grandi y tres puppy. El a bay busca un caha bin bek pa hiba nan. Pa despues ora e bin bek e yega na un gritamento y batimento di cacho bek na e kill cage. Unda cu e porta tabata na lock tambe!” El a sigui bisa cu pa suerte e persona a habri e porta na tempo unda cu e ora por a bay cu esun cu a resta. “Honestamente mi a kere cu nan tabata pone nan drumi cu hangua. No bati y spart nan for di otro?” Pues akinan ta dunando indicacion cu tin maltrato serio contra bestia andando na e kill cage aki, y Bon Dia lo seguramente sigui investiga y tuma contacto cu e departamentonan concerni pa trata cu e tema aki.

Ta mata 10.000 bestia pa aña
Varios hende no sa pero manera nos a yega di publica, e Kill Cage na Wayaca ta propiedad di gobierno, no di Animal Shelter cu ta situa net banda di nan. Na Aruba tin varios hende cu ta tuma e iniciativa pa rescata nos bestianan. Anouk Raaphorst por ehempel kende nos a entrevista aña pasa ta un di esakinan cu ta haciendo hopi pa conscientisa riba cuido di bestia na Aruba. El a laga sa cu e problema di cacho riba caya ta mucho grandi anto cu comunidad tambe mester cuminsa hunga un rol pa soluciona esaki.. Tin como ocho grupo cu ta traha den Animal Rescue incluyendo Animal Shelter na Wayaca. Den e kill cage na Wayaca, manera nos a yega di informa, pa aña mas o menos 8.000 pa 10.000 animal ta wordo mata. Cada cacho cu ta wordo rescata for di caya of di un doño iresponsabel, ta costa mas o menos 300 te 500 florin pa drecha su enfermedadnan. Esaki ta pa cubri vacuna, sterilisa, antibiotica y mas. Sra. Raaphorst: “Tin un grupo di por lo menos 40 Animal Rescuers en total anto nunca den nan bida nan lo por resolve un problema asina grandi di miles y miles di cacho riba caya. Si nan por rescata 100 cacho pa aña, esey ta trece un gasto di 300.000,- pa 500.000,- florin pa aña. 95% di e placa pa paga esaki ta bini di turista cu ta haci donacion.”

Cantidad di cacho mester baha
“Si tur hende ta yuda y bira responsabel pa su mesun bestia , e problema aki por wordo soluciona. E responsabilidad no mester cay riba e Rescue groups ni tampoco riba gobierno. Cada ciudadano mester cumpli cu su parti”, sra. Raaphorst ta splica. Rescate di bestia ta un gasto enorme anto segun e ta bisa, tanten cu hende no cambia nan manera, cos no lo cambia aunke bo habri 10 shelter mas. “Si bay rescata cuater puppies di un cas nos ta bay gasta 1200 florin riba nan. Cu e gasto di 200 florin pa sterilisa e mama, nos por a evita e puppies di nace y spaar 1000 florin. Cu e placa aki bo por sterilisa 10 otro cacho.”

 

You May Also Like

5P3A7299.JPG

Durante control Polis a detene dos persona na Playa

Diasabra anochi patrua di Oranjestad encarga cu controlnan riba caya a para un lancer ...

Trabounan di rehabilitacion ta cuminsando na CITGO Aruba

Pa medio di un comunicado di prensa, Gobierno di Aruba ta informa lo siguiente: ...

image.jpeg

A gara persona haciendo trabou taxi pirata cu V-car

Den Caya Ernesto Petronia diaranson mainta e Polis di Bario Oranjestad durante su patruya ...

4Aug EdM Tanki oxigeno.JPG

Un tanki di oxigeno cu un lek di gas a pone hendenan den panico

Diaranson den oranan di merdia riba Kamerlingh Onnestraat riba e tereno pabou di veld ...

Sospechoso caso speeltuin ta purba argumenta pa no sinta mas na KIA

Den caso speeltuin, abogado a trece pa dilanti cu e padrasto ta sintie unsafe ...