Actualmente Serlimar S.G. ta mandando cobranza na cliente pa e aña 2019 pero riba medionan social a aparece varios cliente confundi, sea pasobra nan a ricibi dos recibo, cu dos number diferente riba nan, of 1 cas cu 4 persona a ricibi un recibo pa cada persona. Serlimar den un comunicado a pidi pa pasa nan oficina pa regla e asunto.

Cliente di EcoTech no mester paga pa Serlimar
Un par di cliente confundi of desapunta a aparece riba medionan social despues cu personalidad di noticia popular Rona Coster a post un potret di 2 diferente recibo cu el a ricibi di Serlimar. Entre otro a puntra si no ta cliente di Serlimar, pero si di EcoTech, mester paga? Segun nos fuente, y tambe experiencia den pasado cu e situacion di cobransa, si bo persona ta un cliente di EcoTech y ta haya recibo di Serlimar, e no ta necesario pa paga e suma para riba e recibo.

Aki bou ta sigui e comunicado di Serlimar:
Si dicidi di switch, pasa Serlimar pa cancela
Serlimar kier a recorda tur su clientenan cu den luna di juni a saca e factura oficial di tarifa residencial 2019. E factura ta basa riba tur informacion den e sistema di Serlimar. Pa es motibo nos ta pidi na tur nos cliente nan pa tuma contacto cu Serlimar si en caso tin informacionnan cu mester wordo cambia, pa asina actualisa tur factura corecto di e cliente registra. Ta hopi importante pa controla e recibo y informa Serlimar di tur cambio necesario.

  • Si cliente a muda y of a traha cas nobo.
  • Si cliente dicidi di switch pa otro compania, mester pasa Serlimar cancela nan registracion y paga e lunanan habri.
  • Si cliente ricibi dobbel factura pa motibo cu Serlimar a cambia pa un sistema nobo nos ta pidi encarecidamente pa pasa na un di nos sucursalnan pa resolve esaki. Esaki ta conta si na e adres a yega dos recibo.
  • Si e cliente a fayece y ainda su informacion ta registra den e sistema di Serlimar nos ta pidi un familiar pasa personalmente cu un copia di e “overlijdensakte” pa asina por cancela e cuenta.

Den caso cu e cliente no por presenta mester autorisa un tercer persona cu un identificacion pa haci e cambionan necesario.

Pa cualkier otro cambio por mail esaki na debiteuren@serlimar.com of por tuma contacto cu Serlimar na 5245080 ext.411

 

LEAVE A REPLY

Please enter your comment!
Please enter your name here