China a manda advertencia principal pa zona den costa di provincia di Zhejiang pa un tormenta fuerte cu ta acercando cu awasero y biento duro. Ta spera un tormenta intenso na e riu di Yangzte.

Ta spera yobida fuerte na Zhejiang, Shanghai y provincia cercano. Algun parti di Taiwan a cera nan oficina y a suspende scol pa via di e tormenta. E mesun area a haya golpi pa temblor di magnitud di 6.0 cu a causa daño chikito.

Alerta cora ta emiti pa China, esey ta esun mas grave den nan sistema di alerta, loke ta hiba autoridad pa prepara evacuacion, suspende trein y biahe aereo y exigi pa boto bay bek na waf.

Na Zheijang nan a cancela e servicio di ferry, mientras nan a evacua mas cu 200 turista di e isla popular di Beijing. E sede estatal di control di inundacion y alivio a adverti autoridad cu ta supervisa 7 provincia, incluyendo Zhejiang, Fujian, Jiangsu y Shanghai. Pa nan prepara nan mes y tin sistema di respuesta di emergencia cla pa traha.

Autoridad a informa, cu na Zhejiang, ta bisa cu 5000 boto di pisca, a ser retira na waf, ta premira cu e tormenta lo subi a awa di lama y na riu Yangzte. Ta probabel cu 3 coriente principal di rio Yangzte lo supera nivel di alerta. Un comision lo supervisa e riu y Ministerio di Recurso Hidro-electrico a ordena esfuerso pa evita inundacion y saturacion na e riu.

 

LEAVE A REPLY

Please enter your comment!
Please enter your name here