WILLEMSTAD – Fundashon Salú pa Tur pronto lo habri un clinica gratuito cu lo enfoca riba grupo vulnerabel di e sociedad di Corsou. Den e fase inicial, esaki ta referi principalmente atencion pa muhenan embarasa y muchanan, atencion di primo linea pa refugiadonan y migrantenan indocumenta.

E gobierno di Corsou a otorga un permiso pa esaki. E fundacion ta traha hunto cu UNHCR, e organisacion di refugiadonan di nacionnan uni. Pero tambe cu organisacionnan local cu ta comprometi cu e refugiadonan manera Venex y Human Rights Caribbean.

Fundashon Salú pa Tur mientras tanto, a establece un financiamento colectivo pa recauda fondonan inicial necesario pa asina cuminsa cu e clinica. Por haya esaki riba gofundme.com/helpgivehealthcare.

Donantenan y e partidonan interesa tambe por haya e informacion riba e pagina di facebook Facebook.com/salupatur.