Diaranson ultimo Club di dam Arowak a haci entregamento di premio na e ganadonan di diferente actividad di dam durante 2019.
A entrega trofeo na e torneo Rapid Dam cu a tuma luga e aña aki den juli 2019.
Ganado di e torneo aki a bira Juan E. Nisbet miho conoci como Ricky. Ricky a score 11punto. Segundo luga a bay pa Mario (Nady) Jansen. Nady a score 10 punto. Y e tercer logra a bay pa nos nestor den e wega di dam señor Delbert Alexander.
Despues a sigui cu entregamento di premio na nos Christmas Rapid cu a tuma luga den e periodo di 23 di October pa 4 di december.
Prome luga a bay pa Mario Jansen. Mario a score 22 punto. Segundo luga a bay pa Rolin Croes. Rolin a score 21 punto. Y e tercer luga a bay pa Octavio Croes. Octavio a score 7 punto.
E prome 3 luganan a ricibi un macutu di Pasco.
Banda di esaki, 2 basket a wordo rifa entre e hungadonan cu no a gana un Christmas Basket. Esaki a wordo gana door di Chester Berkel y Ricky Nisbet.
Na final a tuma luga entermento di premio na e ganadonan di e torneo mas grandi di 2019. Esaki ta e campeonato di Aruba pa aña 2019. E torneo aki, a wordo hunga den e periodo di 29 januari te/cu 18 october den 2 tanda. (pues tur hungado a topa otro 2 biaha).
Prome luga a bay pa Annelaine Jacobs. Annelaine a score den e prome tanda 16 punto y den e segundo tanda 17 punto. Un total di 33 punto. Annelaine a bira di e forma aki, Campeon di Aruba pa aña 2019. Ta prome biaha den historia di dam di Aruba, cu un dama a bira campeon di Aruba den e deporte di dam.
E segundo luga a bay pa Octavio Croes. Octavio a score den e prome tanda 15 punto y den e segundo tanda 14 punto. Un total di 29 punto.
Tercer luga a bay pa Rolin Croes. Rolin a score den e prome tanda 17 punto y den e segundo tanda 10 punto. Un total di 27 punto.
