Clubnan di futbol entusiasma cu plan strategico di AVB

ORANJESTAD – Recientemente federacion di futbol, Arubaanse Voetbal Bond (AVB), a presenta nan plan strategico durante un presentacion na e clubnan afilia. E teamnan presente a ricibi tur informacion relaciona cu contenido di e plan strategico aproba pa directiva di AVB na november 2018. Meta tras di e plan strategico aki ta pa e federacion por demostra stakeholdernan e direccion cu nan ta hibando e deporte rey di nos isla.

AVB ta e prome federacion den Caribe cu a entrega un plan strategico na FIFA, asina Presidente di AVB, Ing. Richard Dijkhoff, a indica. Despues di esaki CONCACAF y FIFA ta uzando e plan aki awor como ehempel pa tur otro federacion den Caribe. Aruba como tal ta canando dilanti den cumplimento cu e reglanan nobo y exigente di FIFA. Den e plan por nota e proyectonan cu prioridad den futbol riba nos isla, manera ta futbol hubenil y futbol femenino.

A imprimi e plan strategico aki den forma di un buki y a grab’e riba un USB Stick cu a entrega na tur e clubnan presente. A invita tambe algun stakeholder manera ASU, FFD, Lotto pa Deporte, Sport Subsidie Commissie, COA y mas pa tambe cera conoci cu e plannan di AVB, aproba pa e federacion regional y esun mundial. “Nos kier pa tur hende sa e rumbo cu nos ta tumando cu futbol na Aruba. Nos mester tur hende participa cu nos den e proceso, pero prome cu esey, mester a informa tur hende di nos plannan”, di acuerdo cu Ing. Richard Dijkhoff.

AVB kier pa clubnan y demas organisacionnan reconoce tur nan proyectonan, cu ta nace y ta inclui den e plan stategico. Por ehempel hubentud tin su retonan cu ne. Den e plan ta stipula cu lo traha cu otro federacionnan, cu Gobierno, cu scolnan pa uzando e deporte Rey, combati pobresa, combati obesidad y retonan di comportacion y di problemanan social entre hobennan.

AVB recientemente a apunta Reynaldo Geerman den e funcion di Secretario General Interino. E ta un persona cu un estudio y amplio experencia riba tereno financiero, pa cual lo brinda su aporte pa mara tur e proyectonan den e cuadro financiero presenta y aproba dor di FIFA. Cu un persona di e caliber aki, AVB ta convenci di lo por ehecuta e plan aki cabalmente.

S.V. Dakota ta un di e clubnan presente durante e evento. Nan a keda hopi contento cu e plan strategico 2018-2022, asina Gilmar Croes, Presidente di S.V. Dakota a expresa. E plan strategico ta bon hinca den otro cu puntonan di hopi importancia pe desaroyo general di futbol. No solamente hobennan pero tambe futbol di Aruba por sigui desaroya.

 

You May Also Like

Ocando “Candi” Wernet a marca historia den nos futbol

Recientemente Fundacion Lotto pa Deporte a honra varios baluarte di SV Estrella. Un di ...

Coach Argentino herida durante paseo riba bicicleta na Spaña

Coach di Argentina, Lionel Scaloni, tabata brevemente hospitalisa despues di a herida su mes ...

Wierer ta gana biathlon WCup

RUHPOLDING, Germany (AP) — E atleta Italiano Dorothea Wierer a gana e careda di ...

Presidente di IAAF absolvi di engaño di legisladonan Britanico

Presidente di IAAF, Sebastian Coe, a ser absolvi di engaño di legisladonan Britanico tocante ...

Di dos medaya di oro pa Aruba den CAC

E atleta bolichera Thashaina Seraus a gana e di dos medaya di ora pa ...

Rumannan Chiara y Sophia ganadornan di Copa Hubenil Gobernador Felipe B. Tromp

Diabierna dia 27 di april proximo, Dia di Rey, Gobernador Alfonso Boekhoudt lo entrega ...