(AP)—Miles di fanaticonan a reuni den e pueblo desierto di Indio na California e aña aki pa e Coachella Valley Music Festival, awo den su segundo siman. Presentacionnan principal pa e edicion aki di e festival famoso ta inclui Lana Del Rey, Tyler The Creator y Doja Cat.
Por a mira caranan famoso den e audiencia na e Empire Polo Club, incluyendo Taylor Swift, Travis Kelce y Justin Bieber, hunto cu Ice Spice y Sabrina Carpenter, ken tambe a presenta durante e weekend cu a pasa.
Reneé Rap, ken a bira sumamente popular cu e premiracion di e pelicula “Mean Girls” y su album debut “Snow Angel,” a presenta hunto cu Kesha riba escenario pa canta e cantica popular di Kesha, “TiK ToK.” Nan a canta liriconan alternativo cu a tira critico riba Sean “Diddy” Combs, ken actualmente ta enfrenta varios acusacion di asalta sexual y abuso sexual.
Fanaticonan for di tur skina di e pais y mas leu a bisti den disfraznan festivo y a wanta poster cu ta mustra apoyo pa nan artista faborito. Prijsnan pa ticket general a varia entre 500 pa 600 dollar pa un weekend, y hopi di e fanaticonan presente a drumi den tent.
Na mesun momento, tambe a tuma luga un teremoto 32 kilometer leu for di e sitio di Coachella siman pasa, aunke a reporta cu ningun hende a sali herida.
