(AP) — Comportamento di Ryan Garcia na caminda pa su pelea contra Devin Haney tabata parce asina eratico cu algun hende a pensa cu no mester permitie pa bringa mes. Imagina e pelea cu nan lo a perde.
Garcia a knock down Haney tres biaha, y a duna e campeon WBC super lightweight su prome perdida, ganando e pelea pa decision mayoria diasabra nochi, pero no e titulo, pasobra el a surpasa e limite di peso.
Comportamento straño di Garcia den publico y riba rednan social durante e proceso a conduci na duda riba con serio e tabata pa e pelea. Tabata mustra como cu e no a dedica suficiente tempo na training ora e tabata mas cu 3 libra riba e limite di 140 libra diabierna.
Pero e velocidad y poder den su man tabata demasiado pa Haney, kende tabata herida for di round di apertura y a dal abao den e di siete, di dies y di diesun. “Ban serio guys, boso realmente a kere mi ta loco?” Garcia a grita na e fanaticonan durante su entrevista despues di e pelea den e ring.
Garcia (25-1, 20 KO) a gana cu score di 115-109 y 114-110 riba e card di dos hues, mientras e di tres tabatin e na 112-112. Associated Press a score 114-110 pa Garcia.
E dos boxdo Californiano di 25 aña di edad a split seis pelea como amateur, pero Haney tabatin e carera profesional mas fuerte, ganando e titulo indiscutible lightweight y despues moviendo pa gana e faha WBC den su prome pelea na 140 libra. Garcia no por a bay cu esey, pero a bay cu e record perfecto di Haney. Haney a cay na 31-1.
Tabata parce cu Haney a tuma su lugar entre e miho boxdo na mundo, mientras a bira facil pa pensa cu Garcia tabata sobrevalora. Gervonta Davis a stop Garcia aña pasa den su pelea di mas grandi, y expectativanan cu e tabata bayendo abao atrobe, hasta ora el a insisti cu e tabata cla pa bringa a pesar di e apariencia cu el a pasa mas tempo riba interenet cu den gym.
Garcia a splica cu e mester di su salidanan anochi y tempo pa su otro interesnan pa yuda surpasa problema den su bida personal, manera un divorcio. “Mi a haci loke mi a pensa mi mester haci pa sinti OK,” Garcia a bisa.
E tabata miho cu OK. E tabata miho cu un di e miho bringadornan na mundo.
Garcia a bisa cu e lo mira pa move na 147 libra, bisando cu e ta incapaz di yega na e limite di 140 libra.
