Entrante 1 di april Hans Timmermans no ta funghi como rector di Colegio Arubano na Playa mas. Directiva SMOA a anuncia esaki awe den un relato di prensa extenso.
Den esaki e directiva ta splica cu e partidonan tabata papia cu otro na februari pa yega na un solucion despues cu e rector a meld ziek na januari. E no a regresa for di Hulanda tampoco unda e tabata pasa su vakantie na december.
Pero e combersacionnan luna pasa no a duna un resultado fructifero. Segun SMOA tabata cla di hopi trempan cu no tabatin e ‘kimico’ necesario entre e partidonan pa yega na otro.
Awor e directiva tin como prioridad pa busca un rector nobo. SMOA ta priminti cu e proceso aki lo bay den un forma habri y cu envolvimento di e otro trahadonan y interesadonan di e scol secundario.
E relato di SMOA completo ta na Hulandes y por lesa aki.
