E ultimo dianan tabatin un ola di comentario riba Facebook pa cu e rosamento di un pida tereno grandi den e area di Bubali Plas.
Entre otro Greg Peterson di Aruba Birdlife Conservation a mustra riba e daño di e destruccion di e naturalesa pa nos parahanan como cu e area ta nan habitat. Sr. Peterson a marca hasta 18 di maart como un dia scur: “Awe nos ta di luto pa e daño grandi na Bubali.” E ta haya cu a perde un pida grandi di un di ‘Aruba Important Bird Areas (IBAs)’.
Te ainda no tin mucho informacion riba esunnan responsabel. Tin rumor cu lo construi un hotel nobo pero nada ta confirma ainda.
Sr. Peterson a bisa cu nan lo sigui e ‘caminda legal’ pa haya mas informacion y asina purba di stop e desaroyo aki.
Bon Dia 24 tambe ta investigando e caso aki pero te ainda no a haya informacion riba e compania/persona tras di e proyecto.
