Cu lagrima na wowo Nigel Mathew a gradici e honor cu a toca su persona cu su number poni riba Colegio San Nicolas. Pa hopi aña e scol secundario aki na San Nicolas, cu tabata un filial di Colegio Arubano, tabata conoci como Colegio San Nicolas. Pero awe finalmente e tin su mesun number, cu ta di un docente cu a dedica su bida na educa muchanan, principalmente esnan di Colegio.
Durante un ceremonia diahuebs mainta a devela e number. Durante e ceremonia ex coleganan y ex studiantenan a papia di Nigel Mathew mustrando e impression cu semper el a laga atras riba nan. “No importa ki bo haci, pero hacie cu bo curason y lo e duna bon resultado,” Mathew a bisa.
Dado momento durante su discurso Mathew a bira asina emocional y no por a sigui papia tabata ora cu el a menciona su casa, kende no t’ey mas. El a admiti cu hopi biaha e no tabata na cas pa su casa y yiunan, pero a stima nan semper. “El a acepta mi manera mi tabata y a yuda mi den hopi cos.”
Tabatin diferente personahe conoci di comunidad presente na e ceremonia aki
