Colombia: A evita otro atentado cu explosivo

Cuerponan di seguridad a indica cu diadomingo pasa nan a haya un artefacto, similar na esun usa siman pasa na Bogota, na un caminda di e aldea La Gaitana, di municipio Cubara, na Boyaca.

A haya 120 kilo di explosivo, 70 di pentolita y cerca di 50 di anfo, segun comandante di e di 18 Brigada di Ehercito, coronel Jorge Luis Agudelo, a conta periodistanan. Segun coronel Agudelo, e poder di e carga instala ta similar na e 80 kilo di pentolita cu ELN a usa siman pasa diahuebs na Bogota.

Ta supone cu ta trata di otro intento di e grupo guerrillero ELN, cu tabata responsable, segun gobierno, pa e atake riba e scol di polis na Bogota, cu a costa bida di 20 cadete di polis. E sitio unda Eln tabatin planea pa ehecuta e atentado ta unda diariamente ta pasa como 3.000 persona, entre habitante, turista, militar y polis.

Ta indica tambe cu den e area aki tin e vehiculonan blinda di e Grupo di Cabayeria Mecanisa No.18 di ehercito, den cual ta patruya. “Nos a logra desactiva e explosivonan ey, cu si nan a explota, lo a destrui tur cos, un tragedia cu definitivamente nos por a evita danki na trabao rapido di nos hendenan,” e coronel a detaya. A logra haya e explosivonan pa banda di 08.30 ora local, net ora e habitantenan tabata prepara pa un marcha contra terorismo di ELN.

Diadomingo pasa tabatin den henter e pais demostracion di protesta contra e actonan violento di ELN, despues di e atake riba e scol di polis na Bogota, encabesa pa presidente Duque.

You May Also Like

Gobierno no tin recurso pa paga cuatro ley aproba pa Congreso Colombiano

  Siman pasa, apesar cu gobierno a laga sa cu aprobacion no tabata conveniente, ...

Venezuela: Inflacion mensual a mengua te 53,7% na februari

E nivel di inflacion mensual, segun anuncia pa Asamblea Nacional (AN),a yega na 53,7% ...

Rosneft ta considera participa den modernisacion di refineria Cubano

(ElNuevoHeraldo) – E empresa petrolero Ruso Rosneft ta studiando  su  participacion den modernisacion di ...

Autoridad di Panama a libera 12 muhe cu tabata victima di explotacion sexual

(El Nacional).- Un tribunal di Panama a acusa un Venezolano di delito di abuso ...

Insel Air no ta bula mas cu avion grandi, retiro pa pilotonan

WILLEMSTAD – Insel Air a tuma e decision di no bula mas cu nan ...

Papa Francisco na Colombia: Agenda di su prome dia na Bogota

E prome bishita di un papa den 31 aña na Colombia a bin na ...