Etienne Ys tin speransa cu Insel Air lo keda rescata

WILLEMSTAD – Desafortunadamente, InselAir a haya obliga pa cancela su vuelonan di siman pasa diabierna te cu awe 22 di januari, esaki ta pa motibo di mantenemento di e avion nan.

Pero asina mes Etienne Ys, a declara cu e tin su speransa halto cu InselAir lo keda rescata. Señor Etiene Ys ta bisa cu señor Rogier van der Heuvel a entrega e relato manera hues a bisa, na corte. E relato ta trata e puntonan kon ta continua cu e siguiente pasonan y un di e locual cu a keda entrega ta e garantia cu Inter Caribbean mester a entrega. Tambe Ys ta bisa cu señor van der Heuvel a entrega su relato y basa riba esaki  a sigui algun corespondencia y basa riba e contestanan cu hues a haya, hues lo tin cu tuma un decision final. Pues te awor e proceso ta andando y Inter Caribbean a entrega e documentonan cu nan mester a entrega, asina señor Ys a bisa.

Tambe nan a entrega diferente garantia pa asina cumpli cu nan obligacionnan y ainda mester tende cu si e hues ta satisfecho cu e locual nan a keda entrega. Ys ta bisa cu mientras e caso ta den man di hues, e no por anticipa loke hues ta bay bisa, aunke e ta positivo si. “Tur hende por a tuma nota cu e hues aki a duna hopi espacio pa ainda Inter Caribbean presenta documentacionnan. For di december a spera cu e hues lo a tuma cierto decisionnan, pero e no a tuma decision y a duna espacio pa te cu fin di december, despues el a bolbe duna espacio te 15 januari, pues por mira cu su interes tambe ta pa yuda e compania keda existi”, asina Ys a duna di conoce.

Etienne Ys ta bisa su cu por ehempel hasta ora hues bisa cu e documentonan no ta suficiente y cu e ta declara e compania bancarota, ainda bo tin dos siman pa apela, pues e proceso legal por dura poco mas, aunke na final mester warda si loke hues ta bay dicidi. Etienne Ys ta bisa cu mientras cu no tin un otro partner local pa representa gobierno, 51% di e accionnan ta keda garantisa den e compania Isnel Air. Pues Ys ta bisa cu segun e HoA gobierno lo keda cu su 51% di accion, mientras no tin un otro solucion.

You May Also Like

Hulanda: Casonan di cancer a duplica den e ultimo 30 añanan

AMSTERDAM – Un total di 116,000 persona na Hulanda a wordo diagnostica cu cancer ...

Autor: ‘Trump no tin ningun credibilidad’

E autor di e buki controversial riba Donald Trump den Casa Blanca ta bisa ...

Boneiro keto bay ta sigui colecta articulo di auxilio pa Venezuela

KRALENDIJK – Riba e pregunta si ‘El Libertador’ Simon Bolivar e dianan aki no ...

Roger Stone ta pidi pordon pa publicacion riba Instagram

WASHINGTON – E confidente di president Donald Trump, Roger Stone a pidi dispensa na ...

proxy.jpg

Polis di Texas na sitio, posibel caso di tiramento y rehen

Departamento di Polis Amarillo na Texas, US, ta confirma un situacion di un persona arma ...

Facebook a ignora problema di gasto di muchanan

Un cantidad di documentonan interno a revela con Facebook tabata preocupa cu muchanan tabata ...