(EFE) – Na Bogota, autoridadnan a captura 10 persona cu ta forma parti di un “organisacion multicriminal”, di origen Venezolano, acusa di participa den asesinato di shete persona cu a aparece den diferente caya mutila den saconan di sushi, segun fuentenan oficial a informa dialuna ultimo.

Alcalde di Bogota, Claudia Lopez den un conferencia di prensa a bisa cu e personanan captura ta integrantenan di e grupo “Los Maracuchos”, cu ta comete actonan ilegal den e barionan di centro di e ciudad y cu nan ta den lucha pa e control di e microtrafico cu e organisacion criminal “El Tren de Aragua”.

“Un di e tres organisacion cu ta envolvi den e lucha criminal, cu ta produci asesinatonan horibel di hende cu ta wordo bandona den pleno caminda publico, a haya un golpi y lo wordo procesa legalmente”, e funcionario a bisa ora el a referi na e grupo conforma pa Colombianonan y Venezolanonan.

Siman pasa a anuncia e creacion di un “grupo contra multicrimen” pa combati insiguridad den e ciudad cu a wordo sacudi den ultimo simannan pa e hallazgo di 23 curpa mutila den saconan di plastic, asesinatonan atribui na e control di microtrafico di droga.

Ademas di e personanan captura, ta e hefe Colombiano, otro cinco integrante cu a huy pa Venezuela y cu tin un notificacion blauw di Interpol.

Notificacion blauw ta esun prome cu cora, di captura internacional di e persona bao peticion hudicial den cualkier di e 186 pais miembronan di e organismo aki.

E operacion a wordo realisa fin di siman ultimo y tabata e ciere di un periodo di investigacion di shete luna, den cual a identifica e forma con nan tabata opera, areanan di impacto y con nan tabata conforma nan linea di mando.

LEAVE A REPLY

Please enter your comment!
Please enter your name here