Banda di merdia di ayera dialuna, despues di presunto fayonan den su structura, e brug den construccion di dobel via Bogotá – Villavicencio, na altura di e sector di Chirajara, a cay. 

Pa 12:48pm Juan Carlos Guzmán, hefe di Gestion di Riesgo na Villavicencio, a informa e rescate di e curpanan di tres persona fayece. Bomberonan di Cundinamarca a confirma e mesun cifra y a agrega cu lo ta trata di trahado di e empresa cu tin e concesion di e obra, Coviandes.
No obstante, tin otro fuente cu ta papia, extraoficialmente, di shete fayecido.  

Álvaro Farfán, delegado di Bomberonan di Cundinarmarca, a informa cu no tin persona desapareci. Mientras cu e cabo John Fredy Agudelo, di Bombero di Cáqueza, a sigura cu tin tres herido cu ya ta atendi. Na Gestion di Riesgo di Villavicencio tambe nan a bisa cu “e red hospitalario a pasa di alerta cora pa geel” y cu nan ta pendiente pa sa cuanto persona tabata den e sector ey na momento di e incidente.” Cabo Agudelo a bisa cu na e luga lo tabatin 16 persona trahando na momento di e collapse.  

E parti cu a kibra tabata esun na banda di Bogota.
Coviandes, e empresa concesionario encarga cu e obra, a informa cu e caminda a wordo cera desde e toll di Naranjal te Buenavista, pa permiti e mobilisacion oportuno di e organismonan di emergencia cu ta atende e situacion.
Segun un comunicado di e Agencia Nacional di Infrastructura, riba solicitud di presidente Santos y ministro di Transporte, e presidente di e Agencia a biaha pa e luga di e sucedido pa reuni cu representante di e empresa concesionario Coviandes, cu entidadnan di intervencion y e organismonan di ayudo.
E brug tabata planea pa wordo entrega na fin di maart e aña aki. E lo tabatin un largura di 446 metro.