(ElEspectador) – Demanda halto di servicionan medico na algun hospitalnan di municipio Antioquia di Colombia, como Santa Barbara y Cisneros a provoca cu e centronan asistencial a decreta emergencia hospitalario pa e collapse di servicionan medico y di urgencia.

“Inventario y disponibilidad di medicina, insumo hospitalario y oxigeno ta cabando y den algun momento nos por keda sin nan” e comunicado di hospital Santa Maria a indica cu nan lo cera temporalmente for di 11 di januari te 15 di januari, pa via di protocolnan di biosiguridad y pa evita plamamento di Covid-19. Consultanan lo realisa unicamente di manera online y hospital lo atende solamente pashentnan for di Urgencia Medico y muhenan na estado.

Di su parti, hospital San Antonio Cisneros a anuncia cu lo mantene alerta cora te dia 12 di januari y lo implementa medidanan como e suspension di servicio ambulatorio y e restriccion di tur procedemento no prioritario, mientras cu servicionan di urgencia lo continua funcionando di manera normal durante alerta cora. Otro hospitalnan di e municipio como La Estrella tambe a limita su servicionan, pa via di aumento di pashentnan, ademas nan a cuminsa atende hende pa orden di yegada pa haci e test di Covid-19, debi na halto asistencia cu a ser presenta den dianan aki.

Di su parti, Maria Clara Mendoza, hefe di urgencia di hospital San Vicente Fundacion, a manifesta cu e centro aki tambe tin su servicionan satura pa consultanan respiratorio y di Covid-19.

Ultimo rapport di Secretaria di Salud di Antioquia a indica cu tin 5.506 caso nobo na departamento, concentra principalmente na Medellín (3.851 caso), Bello (347), Rionegro (322), Envigado (213) y Itagüí (168). Ocupacion di cama di ICU na Antioquia ta di 86.5%, cu 823 persona interna.

LEAVE A REPLY

Please enter your comment!
Please enter your name here