Colombia: Desmantela na Florida red di arma clandestino pa gruponan criminal

Autoridadnan federal a captura na sur di Florida tres homber cu nan ta acusa di pertenece na un red cu tabata cumpra arma di candela semi-automatico y otro tipo di arma na distribuidornan autorisa, pa manda pa organisacionnan criminal na Colombia.

E envio a ser realisa den ultimo 12 luna, pa cual autoridadnan Colombiano ta investiga si e armamento a termina den man di Ehercito di Liberacion Nacional (ELN), cu a ser cataloga pa Merca como un grupo terorista.

E operativo a tuma lugar den e dianan despues di e atento terorista cometi pa Eln cu un autobom cu a explota na Scol di Cadete di Polis General Santander na Bogota, y a laga 21 morto, entre nan e chauffeur di e auto, y 68 persona herida.

Aunke e investigacion di autoridadnan no a duna indicio cu e armanan cu a bin for di Florida a ser utilisa den atentado, na e momento akinan sa cu e material di guera aki a ser manda pa Colombia scondi den compresor di aire di marca Husky.

E captura a tuma lugar danki na informacion suministra pa un di e cumpradornan fantasma,ken a graba un conversacion entre e delincuentenan ora nan tabata papia di e compra di arma y e envio pa Colombia.

E tres detenido a ser identifica como Francisco Joseph Arcila Ramirez, Gregory Fernando Ortega y James Smith. Na Colombia tambe a ser captura dos persona cu tabata encarga cu ricibi e envio: Alvaro Jay Arcila, ruman di Arcila, y su casa Ingrid Maldonado Perez.

You May Also Like

Mayoria pashentnan di afo cu ta bay Medellin ta di Aruba

E ciudad Colombia di Medellin ta masha conoci na Aruba, como uno bon pa ...

Colombia a denuncia relacion di website Mexicano cu reto di “bayena blauw “

Poblacion di Colombia a raporta tres hende cu a mata nan mes y cu ...

Venezolano ta sobrevivi cu benta di biyete di 100 bolivar riba bus na Colombia

Tres amigo Venezolano cu a bandona Caracas siete luna pasa pa motibo di inseguridad, ...

Haiti e unico pais den Caribe y America Latino cu mester ayudo alimentario

(IciHaiti) – Di acuerdo cu e mas reciente edicion di e informe  “Crop Prospects ...

Temblor di magnitud 6.5 na Costa Rica

Un temblor di magnitud 6.5 a sacudi Costa Rica, esaki ta segun informa Instituto ...

Detonacion di un granat a laga 37 herido den un discoteca na Colombia

Polis ta traha riba un investigacion, y asina haya sa ken ta e hende ...