Un homber a keda cubri pa escombro di un edificio di apartamento despues di un explosion di gas na Den Haag diadomingo atardi, a keda rescata pa trahadonan di rescate un tiki despues di mey anochi. E homber di 28 aña, cu tabata consciente na momento cu nan a rescate, a keda transporta pa hospital y ainda no ta cla kico ta e gravedad di su heridanan.
Su mayornan cu kende e ta biba den e apartamento, tambe a resulta herida. Un total di 10 persona a keda atrapa den e explosion na Jan van der Heijdenstraat banda di 4pm y ocho di na a keda transporta pa hospital pa lesionnan menor, incluyendo un señora cu a wordo rescata pa un grua.
E servicio di bombero a bisa cu e un explosion di gas tabata e causa y nan a cera e caminda. Un dozijn di otro persona a wordo evacua di e propiedadnan debi cu e explosion a causa cu e otro edificionan a collapse.
Pauline Krikke, alcalde di e ciudad a bishita e scenario diadomingo anochi y a describi e incidente como ‘teribel pa esunnan cu ta envolvi directamente’. Nan a organisa alocacion di hotel pa e residentenan di mas o menos 20 hogar cu a keda declara insigur.
Nan a reculta ekiponan di specialistanan di apoyo di Alpen aan den Rijn and Beusichem na Gelderland pa asina yuda cu e esfuerso di rescate.
