Presidente Colombiano, Iván Duque, a afirma cu e pais no por considera como un opcion mantene e poblacion cera te na momento cu por haya un vacuna contra e Covid-19, pa loke a pidi e Colombianonan cuminsa biba cu e virus.

“Nos mester compronde cu no ta un opcion pa e sostenibilidad di nos sociedadnan bisa simplemente: nos lo keda cera na cas te cu e vacuna aparece; nos tin cu cuminsa biba cu e virus y nos tin cu gan’e”, e presidente a bisa den su programa di TV.

E declaracion di e presidente tabata un contesta indirecto pa e alcalde di Bogota, Claudia Lopez, cu ken e tabatin algun discusion pa via di nan enfoke diferente den e maneho di e crisis.

Lopez a afirma ultimo dianan cu e miho cos cu e presidente por haci ta pa bay back den cuarentena estricto na henter e pais, pa via di e aumento lihe di e cifranan di contagio y mortonan na Colombia, e cual tin caba 91.769 caso confirma y 3.016 fayecido. Aunke cu 58 morto pa un miyon habitante, Colombia te ainda ta den e paisnan Sur Americano cu menos a haya golpi di e pandemia.

El a resalta cu niun hende tin e culpa di e expansion di e pandemia na e pais y el a pidi pa alcalde y gobernador e compromiso pa vence obstaculonan cu ta presenta den varios ciudad cu casonan notabel di personanan no disciplina.

Asina e presidente a defende e apertura economico cu su Gobierno a bin haciendo desde cu juni a cuminsa cu e yamada di ‘aislamento inteligente’, cu a permiti pa centro comercial, almacen, y un parti grandi di empresanan di sector productivo pa bay back den nan labor, bao protocolnan estricto di siguridad.

LEAVE A REPLY

Please enter your comment!
Please enter your name here