Colombia: ELN cu cese al fuego pa Semana Santa

E cese al fuego unilateral pa motibo di Semana Santa, cu a ser anuncia pa e guerrilla Ehercito di Liberacion Nacional (ELN), a cuminsa ayera despues cu diasabra pasa tabatin dos accion violento na dos departamento Colombiano.

Diahuebs pasa e ELN, e guerrilla principal di Colombia , a anuncia un cese unilateral di operacion ofensivo pa Semana Santa, cu a inicia ayera, diadomingo dia 14 di april y lo finalisa diadomingo dia 21 di e mesun luna pa 12or di marduga”.

“Durante e dianan aki, nos lo actua di manera defensivo, kiermen cu nos lo contesta si nos ta ataca so, y nos no lo realisa accion ofensivo”, e grupo a señala den un comunicado di e senador Ivan Cepeda, di e partido iskierdista Polo Democratico Alternativo (PDA) y un ‘facilitado’ di e dialogo di paz.

E cuminsamento di e cese al fuego tabata precedi pa un atake na e departamento di Arauca, frontera cu Venezuela y Antioquia y cu e autoridadnan a atribui pa e guerrilla aki.

Segun e Ehercito, ELN a ataca diasabra pasa e trupanan perteneciente na e Campaña Militar y Polis di Aquiles, cu tabata na e municipio di Valdivia (Antioquia), unda e soldaat Carlos Alberto Ureña Robles a muri.

Den e comunicado, e ELN a sigura cu tin un ‘ofensivo militar y paramilitar descomunal’ den su contra, a pesar di cual a sigura cu lo haci un cese al fuego den contesta pa un carta cu a ser manda e 5 di april pa varios ex- negociado di paz y politico Colombiano.

Tambe den e comunicado, e firmantenan a pidi pa e Comando Central (COCE, mando) di ELN lo declara un cese unilateral al fuego pa lo permiti continua cu e negociacion cu e Gobierno y finalisa e conflicto arma na e pais.

 

 

You May Also Like

Pacto entre Cartes y Lugo pa habilita reeleccion presidencial na Paraguay

Frente di izquierda Guasú y partido Colorado ta traha desde un par di siman ...

Venezuela: Con e impacto di un embargo petrolero lo ta?

(lapatilla.com/AFP) – Venezuela lo sufri un impacto catastrofico si Estadonan Uni concretisa e menasa ...

Venezuela: Escasez di medicamento a yega na 85%

Escasez di medicamento di cualkier tipo a keda na 85% den botica y centronan ...

Jamaica: Obesidad cerca mucha a subi cu 100% den ultimo 5 aña

Presencia di obesidad cerca mucha a bira doble di loke e tabata cinco aña ...

Argentina: 2018 e aña cu a tumba clase medio

Dia 17 di augustus, na momento cu su pais tabata cada biaha mas hundi ...

Panama ta deporta Colombiano, Nicaragueño, Cubano y Venezolano

E Servicio Nacional di Migracion Panama a expulsa of deporta 950 stranhero den apenas ...