Atrobe autoridadnan a confisca cantidad grandi di cash na Airport

Riba peticion di autoridadnan na Hulanda, Afpakteam di Aruba conhuntamente cu Grenspolitie di Aruba a pone beslag riba e cen aki.

Riba diabierna 12 di april ultimo tabatin un pasahero na Aeropuerto Internacional Reina Beatrix cu tabata viahando desde Suriname pa Miami. Autoridadnan a ripara caba cu e persona aki tabata mas biaha viaha entre Suriname y Merca cu cantidadnan hopi grandi di cash. E pasahero tabatin diabierna pasa 827.000 Euro cu ne (1.6 miyon Dollar).

Tur e placa cu a wordo tuma den beslag ta cay pa e Fondo di Combatimento di Criminalidad (Criminaliteitsbestrijdingsfonds). Lo mester haci afspraaknan tocante esey, mirando cu e placa a wordo tuma den baslag pa autoridadnan di Hulanda. Placa for di e Fondo di Combatimento di Criminalidad ta wordo usa pa combati criminalidad. E placa cu Afpakteam ta haya ta cay directamente na favor di Aruba. Afpakteam kier aporta na esaki na un forma visible.

Afpakteam ta un cooperacion entre Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di DIMP (Departamento di Impuesto), FIOD (Fiscale Inlichtingen- en Opsporingsdienst), KMar (Koninklijke Marechaussee), Kustwacht Steunpunt Aruba, Meldpunt (Meldpunt Ongebruikelijke Transacties) y RST (Recherche Samenwerkingsteam).

Crimen no por rindi!

Afpakteam por wordo acerca cu señalnan cu un persona lo por tin fondo criminal via mail: afpakteam@kparuba.com of via tiplijn: 11141.

 

You May Also Like

Pelea na sandbar a conduci na detencion di tres persona

Diadomingo marduga patruyanan di Noord a bay tene un control den area di Sanbar ...

Yamada di homber cu supuestamente tabata arma na Bernadetastraat

Diadomingo anochi un persona a raporta na Polis cu den caya di Bernadetastraat na ...

Problema durante Last Lap

Diadomingo atardi na momento cu Last Lap a yega Wilhelmina Park, polisnan mester a ...

189 multa den control grandi di trafico

Cuerpo Policial Aruba a haci un control grandi den trafico, asina nan ta informa. ...

Polis a confisca auto sin documento

Diamars marduga patruya di Noord durante nan control riba caya a topa cu un ...

Molester di explosion na Tanki Leendert

Den siman caba habitantenan di Tanki Leendert y bisindario tabata cansa cu mester scucha explosionnan ...