E direccion di e partido FARC a sigura diadomingo pasa cu Jesus Santrich, pa kende Gobierno Colombiano ta ofrece un recompensa te 3.000 miyon di peso (938.000 dollar) pa su captura, a ‘exclui su mes’ di e partido politico ora el a huy for di husticia.

Den un reunion di e Cuarto Pleno Nacional de los Comunes, cu a tuma luga fin di siman pasa y cu su conclusion lo entrega mañan, e ex lider di FARC Rodrigo Granda a afirma pa periodistanan cu ‘si Santrich a tuma e decision di separa di e partido ta un auto-exclusion’.

Segun Granda, e Forsa Alternativa Revolucionario di Comun (FARC), den cual e guerrilla antiguo a transforma despues di firma di paz na 2016, no ta actualmente ‘den un politica vertical di expulsion, pero si tin cu marca e linea di loke e partido ta y su proyeccion’.

Santrich, kende dia 11 di juni pasa a asumi un luga na e Camara di Representante pa e partido FARC, a laga atras e personal di siguridad di su skema dia 29 di juni y desde e dia ey su paradero ta desconoci.

Segun Gobierno, Santrich tabata te e dia ey na Espacio Teritorial di Capacitacion y Re incorporacion (TTCR) di Tera Grata, situa na departamento di Cesar, unda hende desmobilisa di FARC ta termina di haci su re-incorporacion den bida den sociedad.

 

LEAVE A REPLY

Please enter your comment!
Please enter your name here