Corte Constitucional di Guatemala a otorga diadomingo pasa un amparo provisional cu ta bisa cu presidente Jimmy Morales mester cumpli cu e articulo 171 di Constitucion, pa constitui e teritorio como ‘di tres pais sigur’.

Esaki ta nifica cu Morales no por firma e convenio di tercer pais sigur cu Merca sin e mecanismo cu ta coresponde, ya cu esaki ta contra e norma contempla.

E siman aki, fuentenan Mericano cu tin relacion cu e negociacion a bisa cu Merca tabata mas cerca di logra un acuerdo di ‘tercer pais sigur’ cu Guatemala.

Un acuerdo di e sorto aki tabata rekeri cu e migrante cu ta pasa pa Guatemala ta solicita asilo eynan, en bes di sigui te Merca. Probablemente esaki lo tin efecto di evita cu algun migrante lo bay te Merca pa pidi asilo.

Diadomingo pasa, gobierno di Guatemala a anuncia e suspension di un reunion entre Jimmy Morales y presidente di Merca, Donald Trump, un dia prome cu e presidente Guatemalteco lo biaha pa Washington.

“Debi na speculacion cu a surgi y accionnan legal cu a ser poni, admiti pa su tramite pa e Corte Constitucional, a dicidi di re programa e encuentro bilateral te ora conoce e veredicto di dicho Corte”, Gobierno di Guatemala a bisa den un comunicado.

“Gobierno di e republica ta sigura cu ningun momento ta contempla di firma un acuerdo pa converti Guatemala den un di tres pais sigur”, e comunicado a indica.

 

 

 

LEAVE A REPLY

Please enter your comment!
Please enter your name here