(Infobae) – Nicolas Petro ta bay ser acusa pa contractnan iregular di Gobernacion di Atlantico na unda su ex-casa Day Vasquez ta bay amplia su testimonio. Den audiencia ey cu e organo acusado ta preparando, yiu di presidente Gustavo Petro lo por keda deteni atrobe, debi cu fiscal ta bay pidi medida di privacion di libertad.
E anuncio a bin memey di un audiencia na unda un hues di control di garantia ta bay expone e colaboracion cu Fiscalia y Vasquez a yega na dje. Fiscal Mario Burgos a señala cu for di proceso ey tin otro dos caso, pa lo cual lo suma un acusacion nobo contra e ex-diputado Petro.
Fiscal a haci referencia na e huicio cu e yiu di e presidente di Republica ta enfrenta pa presuntamente enrikece su mes ilicitamente y pa labamento di activo. Den e caso aki, e declaracionnan di Vasquez tabata un pieza clave pa recauda e material probatorio y descubri e hechonan.
Ademas, den acuerdo di colaboracion cu husticia, e ex-pareha di Petro Burgos a comprometi su mes pa entrega informacion riba iregularidadnan di contractnan di Fundacion Conciencia Social y Gobernacion di Atlantico, den cual por a participa pa haya beneficionan.
Petro Burgos a keda deteni na final di juli di aña pasa y a keda un siman den un bunker di Fiscalia na Bogota durante e audiencianan preliminar den e caso di labamento di activo y di enrikece su mes ilicitamente. Sinembargo, fiscal a dicidi no solicita medida di privacion di libertad den su contra, supuestamente debi cu e ex-diputado a compromete su mes pa colabora cu husticia.
Awor e yiu di e presidente ken ta leu di negocia a sigura cu e interogatoria pa e cual el a ser someti tabata un muestra di su boluntad pa colabora y cu a ser haci bao presion y cu falta di garantia. Ademas a bisa cu su detencion tabata un exceso di parti di Fiscalia.
Su proximo audiencia tin fecha pa april 2024, na unda por anticipa un otro acusacion pa delitonan cu Fiscalia ta bay atribui na dje den e investigacion y informacion aporta pa su ex-pareha.
