Colombia: Hefe maximo di ELN ta bisa cu Petro a haya placa di extorsion

(DW) – Hefe maximo di grupo arma Ehercito di Liberacion Nacional (ELN) recientemente a acusa e presidente di Colombia, Gustavo Petro, cu den pasado el a yega di ricibi placa di extorsion ora e tabata den e guerrilla di M-19 na decada di añanan 80.

“Papiando di economia ilegal, esun cu Gustavo Petro ta gusta papia, mi ta corda cu na mita di decada di 80, ora e tabata un dirigente regional di M-19 na Santander, el a solicita nos pa nos page un ‘impuesto’ cu ELN tabata cobrando pa transporte,” Eliecer Chamorro Acosta, alias comandante “Antonio Garcia”, a skirbi na red social X.

“Efectivamente nos a hiba esey y nos a dune e “placa” pa e impuesto cu tabata cobra. E hunto cu su tropa a gasta e placa ey den alcohol y ‘francachelas’ no den e lucha. Den e lunanan siguiente nos mester a corta e contribucion ey,” el a agrega.

Pa esaki, delegacion di Gobierno cu ta negocia cu guerrilla den un comunicado a sigura cu ta resulta “inaceptabel” cu Garcia, den pleno crisis interno cu e grupo arma aki tin, “ta coy e caminda di insulto y agresion como forma di distrae tocante e diferencianan pa loke ta trata e proceso di paz.”

“Nos ta pidi na ELN na ken ta coresponde pa cumpli su compromiso di suspende secuestro cu fin economico, consolida participacion di sociedad den e construccion di paz, y vooral, den e tuma di decisionnan pa no sigui perde tempo den dialogonan indefini y asina nos por avansa seriamente pa e caminda di paz y di transformacion,” e comunicado a indica.

Ademas, a señala cu e tipo di acusacionnan aki, cu ta sconde e problemanan interno di ELN, loke ta haci ta continua den e mundo di “auto gañamento y ficcion.”

Siman pasa, ELN a anuncia “e culminacion” di suspension di secuestronan cu fin economico, ora ta considera cu Ehecutivo no a cumpli cu e creacion di un “fondo multi donante den e proceso di paz,” la lo cual Gobierno a contesta cu “eliminacion” di e crimen ey no ta negociabel cu Estado.

Gobierno y guerrilla a anuncia na december di aña pasa, e di cinco ciclo di negociacion, celebra na Ciudad di Mexico, unda e grupo ey mester a stop e secuestronan cu fin economico.

Tin plania cu delegacionnan di Gobierno y ELN lo reuni na Caracas, Venezuela entre 20 y 25 di mei pa firma un acuerdo nobo den marco di negociacion di paz, cu a reinicia na november di 2022, pero no sa kico lo por sucede despues di e decision di ELN di reanuda e secuestronan back.