Minister di Defensa, Carlos Holmes Trujillo a anuncia ayera e captura di Arnulfo Torres Huertas, alias ‘Alvaro Boyaco’, un di e comandantenan principal di e disidencianan di FARC den sur di e pais, cu presunto responsabilidad den e asesinato di lidernan social.

Huertas lo a drenta FARC na 2005 y ya tin mas di 15 aña di bida delictivo. Desde 2018, el a desempeña como cabes di finanzas di e structura ‘Jorge Briceño Suarez’ y tambe a destaca como homber di confiansa di Gentil Duarte.

Segun Trujillo, un trabao conhunto di ehercito nacional, fiscalia general di e nacion y polis nacional a permiti e captura di Boyaco. E titular di e cartera di Defensa a splica cu, den municipio di La Macarena, den e Meta, a presenta un combate entre Forsa Publico y e grupo insurgente. Boyaco a resulta herida durante e accion militar y actualmente ta den Unidad di Cuido Intensivo na Florencia, Caqueta.

E minister a sigura cu, durante e suceso, a neutralisa otro suheto y e tropanan a inmobilisa un vehiculo y dos arma. E captura, ehecuta pa tropa di Forsa di Tarea Omega, a tuma luga den departamento di Caqueta den occidente di e pais, un di e lugarnan den cual e disidencianan a continua cu actividad delictivo.

Segun fuentenan oficial, e delincuente ta responsabel di asesinatonan recien di lidernan social y di comete actonan criminal na Orinoquia, specialmente departamento di Meta.

Presidnete Ivan Duque tambe a pronuncia destacando e accion di Forsa Publico den locual el a yama un ‘accion impecable’. El a sigura cu Boyaco ‘a ser captura den un operacion impecable unda a apela tur tecnica di inteligencia y a reafirma nos compromiso di desarticula e structura ey por completo’, agregando cu ta un golpi duro na e disidencianan.

LEAVE A REPLY

Please enter your comment!
Please enter your name here