(Infobae) – Procurador General di Nacion na Colombia, Margarita Cabello Blanco, a adverti cu e normanan cu ta regula e matrimonio di menornan di edad entre 14 y 17 aña no ta suficiente pa no stimula e unionnan forsa aki, y a señala cu ta necesario cu Corte Constitucional tin cu insisti na Congreso di Republica pa haci un regulacion integral cu lo permiti supera e deficit di proteccion.

“Procuraduria ta considera cu ta rekeri un adopcion di politica publico pa preveni, elimina y supera efectonan di e unionnan aki, e cual ta bay mas leu di declara cu e normanan positivo no por tuma luga” hefe di Ministerio Publico a indica.

El a indica cu Congreso lo tin cu adelanta un proceso democratico, consultivo, participativo pa cu un parti lo atende standard internacional cu ta materialisa e proteccion di derechonan humano di muchanan menor di edad y di otro, duna luga na tradicionnan di comunidad di etnia of religioso.

Na aña 2020 a realisa un audiencia publico na legislativo pa e Proyecto di Ley 118 di 2020 cu ta busca elimina di e codigo civil e posibilidad di casa cu un persona menor di 18 aña y crea un politica publica caminda por sensibilisa y duna di conoce e efectonan, causanan y consecuencia di casa of tene un union civil cu muchanan menor di edad. E audiencia a conta cu e participacion di ICBF, Gobierno Nacional, UNICEF y Organisacionnan Internacional, sociedad civil y voceronan di sector priva.

Asina mes, director di ICBF, Lina Arbelaez, a manifesta cu matrimonio infantil ta aumenta casonan di abuso sexual, di embaraso no desea y ta genera retraso na e pais. “E efectonan di matrimonio infantil y di union civil trempan ta extende e efectonan di pobresa extremo, tin un aumento di abandono escolar y e cifranan di educacion media y superior ta abou, lo cual ta aleha henter e pais den materia di desaroyo humano, cu ta wordo midi bao e parti di ingresonan, abandono escolar y mortalidad”.

 

LEAVE A REPLY

Please enter your comment!
Please enter your name here