Minister di Enseñansa y Deporte Endy Croes ta reuniendo cu e diferente departamento nan cu ta cay bao di su maneho. E reunionnan aki ta trata riba tereno di Enseñansa general.
E mandatario a reuni cu Sra. Ana Maria Proveyer y Sra. Sheila Maduro di Directie Onderwijs, unda cu a elabora riba nan trabao nan y con e situacion di enseñansa ta actualmente, segun un comunicado di gobierno. Mirando e desaroyo cu enseñansa a pasa den dje ultimo e mandatario a sinta scucha cu hopi atencion tur e puntonan cu a keda treci dilanti y principalmente prioridadnan pa cu Enseñansa.
Na e mes un momento e mandatario a trece su puntonan padilanti y e vision cu e tin pa mira enseñansa di Aruba. Tabata un bon reunion y ta cla pa traha pa trece trankilidad y progreso riba e tereno di Enseñansa na bienestar di cada docente, muchanan y hobennan.
